Thawai People Defence Force nih ralhrang kawl ralkap lei ah a tang mi Dalan inn pakhat an luhhnawh pakhat an thah, pahnih fak taktak in hliamhma an pu tiah may 13 tuni ah an vun langhter.
Thawai People Defence Force hna nih cun ralhrang kawl rallokap an dohnak ah mipi lei in hna hnawhnak a pe lengmang tu tiah an theih mi inn pakhat cu an luhhnawh i an va thiam nak kong cu mipi theih bak in thawng an vun kan thanh.
Tu bantuk thawngpang cu ralhrawng kawl rallokap lei nih an theih le cangka mawtaw pakhat he an rak ra i mah rallokap mawtaw cung ummi minung pawl hna hi fahnak kan pe duh hna lo tiah an langhter chih fawn.
Ngaihchiat nak thawngpang lak ah People Defence Force (PDF) lei nih tu bantuk thawngpang an vun kan thanh mi cu a lawm um taktak. PDF pawl rallokap nan dohnak ah a nung mi kan Pathian nih in umpi hna sehlaw teinak in pe zungzal ko hna seh.
Relchap- IT Ah Sianghleirun Kai Lio Mi Tlangval Pate Cu Misual Pawl Rallokap Kut In A Nunnak A Liam. Nizan le tuni thawngpang vun kau cu thinlung aa nuam kho hrim lo ee. Nizan ah rallokap nih an tlaih mi tlangval pa te cu a nunnak aliam ruangmang ai.
A tang ah The Chin Post nih fiang deuh in a cun langhter. Minchian, Taloh khua nizan ah an tlaihmi Sianghleirun kai lio a nunnak a liam, a ruak hlam dingin chungkhar theihter.
Minchian peng, Taloh khua ah nizan ah ralhrang nih an tlaihmi sianghleirun Mg. Zen Ko Tun cu a nunnak a liam i chungkhar hna cu a ruak hlam dingin an theihter hna tiah khuami hna le Minchia Sianghleirun hna sinin theih a si.
Minchian GTC sianginn a kaimi Mg. Zen Ko Tun Ngingtai khua,ni zan Taloh khua ah an tlauh i, ralhrang kutin a nunnak a liam, chungkhar hna cu a ruak hlam dingin an theihter hna tiah khuami sinin theih a si.
A nih hi hliam a tuar,mah cu thlopbual lo in, an tukvelh caah a nunnak a liam tiah zumh a si, a ruak cu fianghlang in zoh hnu ah thawng kan in thanh than te hna lai, tiah Minchian khuami pakhat nih a chim.Crd: The Chin Post
