Daw Aung San Suu Kyi nih a ram mipi a hei kan dawt khawh ning khi cu ruah lengmang ah khuaruahhar ngai asi. Zeitluk in dah a ram mipi a dawt hna timi cu a tanglei ah hin tlawmpal te ka vun langhter tuah lai. Kawlram mipi akan dawt ning cu..
1. Fanu a si nak dirhmun in ram caah hringtu a pa a sung ngam mi fanu a si.
2. Nupi a si nak dirhmun in a vapa/ pasal a sung ngam mi nu a si.
3. Hringtu Nu a sinak dirhmun in a dawt tukmi a fale a kaltak ngam mi nu asi.
4. Minung a sinak in vawleicung rumnak vialte a kaltak ngam mi nu asi.
5. Nu asinak dirhmun in zalawnnak vialte kaltak in a ram mipi caah nun aipe ngam mi nu a si.
A cung i ka vun langhter mi vialte hna khi a miphun a dawt tuk ruangah a sungh dihmi longte an si. Vawleicung rumnak ah zuang duh sehlaw cu vawleicung billionare ah ai chuah kho ding mi a si.
Vawleicung rumnak le nuamhnak vialte a kaltak khawhnak a ruang cu kawlram minung 54 million ruangah khin a si ti u sihlaw kan palh hrimhrim lai lo. Thong chung i a um lio caan zong ah chunzan i aruah cem mi cu a ram mipi an si.
Daw Aung San Suu Kyi nun zia zoh lengmang tik ah zumtu aiti mi hmanh nih a tuah mi bantuk khi a tuah kho kan um lai ka zum lo. A rampi akan dawt tuk ruang ah a sunghmi vialte hna khi nangmah le keimah zumtu aiti mi nih kan tuah ngam in kan tuah kho ve ngha maw ti khi na ruat bal cang maw?
