American cozah nih Vaccine Passport timi hman hram an thawk. A hmasa bik Vaccine passport a chuahtu cu New York State an si.
Mah vaccine passport cu vaccine a chun ciami hna caah chuahmi a si. Smart phone a ngeimi paoh nih cun mah le cellphone cio ah download tuah ding a si lai.
Khual tlawnnak, wedding party, lentecelhnak le adang activities phun paoh ah hman a si lai. Cellphone a ngei lomi hna nih print out tuah khawh a si lai. QR Code in tuah a si i scan tuah khawhmi a si.
A hlei in Vanlawng, tilawng le bus in a kalmi hna, puai phunphun party a phunphun ah a kalmi hna le ramdang ah a kal dingmi hna nih hman a si lai. Mah Vaccine passport a tuahtu hna hi Un-American timi private company an si.
Mah caah micheu khat nih cun kan pumpak sining midang nih an hngalh lai caah kan privacy caah a him lo lai tiah a timi zong an um. Asinain American cozah nawl peknak in chuahmi a si caah Covid-19 khamhnak si a chunmi paoh nih cun i ngeih a herh ciomi a si lai. Credit: Salai Lairamthang
