NLD cozah cungah i lawmh lo awk a ttha lo. COVID-19 mizaw vialte alakin an thlawp, an cawm dih hna. Quarantine ummi vialte an paw an cawm dih fawn hna. Asinain Rakhine ram in the second wave cu a rak ra i atu thla li chung ah rawhralnak tampi a ser cang. Ka theih tawk cu:
1. Minung 80,505 reng lo nih zawtnak an ngeih i Yangon pawngkam kan zual hma bik. Atu lio cu
ni khat 1,200 renglo hrawng in kan karh.
2. Mithimi 1700 reng lo an si cang i naihrawng cu ni khat ah 20 renglo in an thi.
3. Cun eidin man a von kai deuh. Cupin ah Minung cu eidin awk i kawlhawl lo awk a tthat lo caah zing/zan bazar kainak ahhin zawtnak hi i chawnh dawh bik kan si ko rua tiah ruahnak an ngei.
4. Mifir an karh. Swepytha ka rianttuan hawi nihcun Swepytha lei cu mifir, damiah le lam kal liomi thil chuh a karh ngaingai tiah a chim. Kannih chung zong zahan zan kha kan campus kulhnak thirhri hling an chah dih i an kan luh hnawh rua. An firmi belte kan theih kho rih lo. An chahmi thirhri hling pawl le an luhnak lawng kan hmuh.
5. Aluan ciami zarh hnih hrawng ah khan RFA radio 9:00 p.m. news nih Kawlram ah COVID-19 ruangah mi harsami le rianttuan awk ngeih lo ruangah mah tein ai thatmi hi 100 reng lo an si cang i Malaysia i mah tein ai thatmi Kawlrammi zong hi 22 an si ve cang tiah a chim.
COVID-19 lak in kan luat khawhnak ding ah aho poh nih rian kan ngei cio ti kha i hngal hna usih law, fimkhur in um cio ko hna usih. Ralrin lei poh cu a sual lo. Atu i COVID-19 cu tuan deuh i a si ning nakin a let 10 in i chawnh a fawi tiah WHO in a feh ter. Bawipa nih in umpi cio ko hna seh. Credit: Dr. Aung Myint Thang
