Kan Laimi le Mizo kan unau le an tam taktak nak Kalay myo cu nai hrawng Covid-19 zawtnak a karh tuk caah lockdown tuah tthan dih a si. Ni hrawng Kalay myo cu nichiar tein Covid positive thar minung pahlei khat leng peng an hmuh.
Kalay myo cu an ruahnak leng tiang in Covid-19 zawtnak a karh caah Pyituh siizung rianttuan Nurse minung 58 bak siizung rianttuan ding i an kal tawnnak lampi phih piak dih an si caah rianttuan kho lo in an um dih tiah theih a si.
Tu hmanthlak i ka rak langhter mi khi Kalay myo siizung thlanng lampi kha a si. Hei zoh hmanh sehlaw lam vialte cu minung umkal kho lo ding bak in mahti khin an phih dih cikcek. Chungkhar pakhat ah minung pakhat lawng bak mehhang va caw dingin lengchuah ter an si.
Bazar kai mi hna zong zinglei suimilam 6:00am ah in chun suimilam 12pm tiang lawng awn an siang hna. Christmas lai te hna i Kalay myo um mi kan u nau le zawn vun ruah piak ahcun zaagfah taktak khi kan si.
Kalay myo cu nai hrawng zawtnak a karh ning cu thinphang ngai ngai a s. Tu an dirhmun ning ahcun Covid-19 a rak i thawknak China ram nak hmanh in zawtnak an karh deuh tiah theih an si. Laimi ka umnak hmun cio thlacam daithlang hna hlah u sih.
