Kan vawleipi thlapa thla kua reng lo akan buaiter dihtu Covid-19 zawtnak ruangah minung tampi an nunnak a liam cuahmah lio ah mah inn chung i himnak a hmu kho lo mi nu vawleicung ah tampi an um.
Keimah telh in Europ ram chung um mi vialte biatak tein kan dirtti i nu nih Covid-19 zawtnak um chung ah mah inn chungtang hmanh i himnak an hmuh khawh lo mi hi kan doh a herh tiah Burmese Python Aung Le Nsang nih a timeline ah a chim.
Kan dihlak tein kan ttantti hna a si ahcun nu pawl cung ah tlaihhrem nak lainawnnak a tlung lengmang hi kan daihter khawh lai tiah a chim.
Hi bantuk thilttha lo kan tei khawhnak ding ahcun minung pakhat lawng nih tei khawh ding mi thil a si lo caah biatak tein kan ttantti a herh i cu bantuk kan ttanti hnu lawnglawng ah vawleicung nu tampi nih himnak an hmuh khawh lai tiah a chim.
Burmese Python Aung La Nsang biachim mi hi a sawsawh men in kan ruah awk a si lo. Hi tluk in Covid-19 zawtnak nih vawleicung minung akan buaiter lioah nu cheukhat hna cu an mah inn ciacia bak ah zohchia taktak in tlaihhrem le thahnawn an tawng.
Mah bantuk thil cang mi kan tei khawh nak ding ahcun Aung La Nsang nih a chim bantuk in lungrual tein kan ttanti lawnglawng ah kan tei khawh lai.
