Na lungdong citcet hlah. Teinak niceu dawh a hung chuak lio ko. Bawipa nih khua a khaan ciami a um. Chinram fing le tlang le hmunrawn rem t’ha hi zoh hmanh u, Pathian pekmi ram sunglawi a si hih.
Ram le miphun caah a nunnak liammi hna Chin pasalt’ha hna phu baa kan hlam lai. CNA/CDFs paralt’ha hna lamthluan caah thlazacam piak philh hrim hlah usih. Video Link
Relchap- Sudan Military Coup Nih Min Aung Hlaing Nawl Ttha Lo An I Cawn Rua Aana A Ting Ve Hawi. Sudan Priminister Abdulla Hamdok le Minister vialte cu zing khuadei hlan ah an tlaih dih hna i Sudan ralkap nih nawl ngeihnak an lak tiah theih a si.
Sudan priminister Abdulla Hamdok cu ralkap min langhter loh mi nih an tlaih i, Sudan Military Coup nih house arrest ah an chiah tiah theih a si. President Joe Biden nih vawleicung ram tthawng bik US rampi a vun hruai tlawmpal bak ah kan vawleipi buaibai nak in a khat dih colh ti u sihlaw kan palh lem lai lo.
Kawlrampi cu Min Aung Hlaing nih 2021 fabuary ni 1 ah nawl ngeihnak hramhram in a lak caah vawleicung ram tampi khuaruahhar in a chiah dih hna. Min Aung Hlaing ruang ah UN pi tiang lungrethei i an um lio ah Sudan ram pi cu ralkap nih nawl ngeihnak an rak lak ve hoi.
Tuah hin Sadan ram mipi nih ralkap nih an Priminister Abdulla Hamdok an tlaih i nawl ngeihnak an lak mi duhloh nak langhter nak an tuah colh ko nain palek nih mipi sandah piahtu pawl cu fahnak an pek hna tiah theih a si.
Min Aung Hlaing nih kawlram pi uknak a lak ruang ah vawleicung ram tampi lungrawk i an um lio ah Suadan rampi cu ralkap nih nawl ngeihnak an vung lak chap mi cu ruah lengmang ah lungrawk taktak a si. Kan vawleicung thil tlung mi tete zoh lengmang tik ah kan vawlei caan a dongh dengmang cang timi cu chim tam hmanh hau lo in a fiangter.
UN le US, Democracy ram lian ngan nih Sudan Military Coup cawlcangh ning cu zeitin dah a hei tuah te ngha ti cu ruah awk ngai ngai a si. Kan kawlram buainak hmanh nihin tiang an buaipi khawh loh lio ah Sudan rampi cu ralkap nih nawl ngeihnak an vung lak chinchap ko mi cu UN le US ram caah cun lungrawk taktak a si.
