Thantlang Peng Farrawn khua nu mizo ram Farkawn ah zam ding in a chung khar he an i thawh i TIO tiva a phak ah Thiang Thlarau nih a sinah bia a chim.
Na ram chuah tak hlah Thla na cam awk a si kir a ka ti .Cu thawng a theih cu kan ram le mi phun caah zum tu vial te lung khat in thla cam fak deuh in thlacam rih kan hau ti a ka ruah ter ti si.
kan i thawk lawng a si caah lung dong lo in Pathian Thiang thlarau sawm ko hna uh sih. Crd: TDT
Relchap-Nupi 39 A Ngeimi Pu Ziona A Nunnak Liam. Vulei cungah chungkhar tambik ngeimi Mizoram i Pu Ziona kum 76 cu nihin June 13,zaanlei suimilam 3:00PM ah a nunnak a liam. Aizawl Trinity sii-inn lei panh pi dingin mizaw phur mawtaw in an kal pi lio ah a nunnak a liam hi asi.
Pu Zionna hi nupi 39 a ngei i fanu fapa 94 a ngeimi asi i vulei cungah chungkhar tambik ngei tuanbia tialtu asi. Pu Ziona hi a biak zong an biakmi asi caah a min a lar ngaingai mi asi.
Falam Ah Covid Zawtnak In Minung Pakhat A Nunnak A Liam. Falam general hospital ah aa thlop mi Locom khua mi (Kum-67) pa cu nihin zaanlei suimilam 3 ah covid zawtnak in a nunnak a liam.
Nihin Falam ah Covid mizaw thar minung 2 hmuhchap an si, June thla chung ah Covid-19 mizaw 54 an si. Falam ah Covid zawtnak in a nunnak a liammi minung 3 ansi cang.
Kalaymyo Ah AG Church Pastor Rev.France Cu Covid In A Nunnak Liam. Kalaymyo Tawngphila AG Church Pastor Rev.France cu Covid in June 13,2021 zaanlei suimilam 1:30PM ah a nunnak a liam tiah kan theih.
Rev.France hi kum 53 asi i fanu fapa pali a ngei,nu pahnih le pa pahnih an si tiah Church riantuan hawi sinin kan theih. Nizaan June 12 zongah Ramthlo AG Church Pastor Rev.Piang Bik Covid in a nunnak a liam.
Bawino Si Phe Le Ram Caah Nunnak Liammi Dihlak KNPP Ralkap Nih Upat Pek. Demoso pengah hrenkhumhmi mipi a chanhchuah lio ah ralhrang rallokap kut in a nunnak a liammi Kayinni ralkap Bawino Si Phe le ram caah nunnak petu hna dihlak KNPP ralkap nih upatnak an pek hna. Crd: TCP
