Empire Nganbik Greek Miphun hi Ral an sung cikcek bal. Rel cawk lo an thih fawn. Aruang cu: Greek pa pakhat nih Dalan a tuan. Lam pawk in kal nak lam bi te pakhat aum. Cu cu Arta Xerxis SPH pa (Esther Ava pa) cu a chimh. Greek pen nak zong Persia (Iran) Pennak ah an tla ve. Greek Sal an si cu: Dalan pa ruang ah asi.
Marathon aa thawk nak zong asi. Ram dawtu Greek pa cu: Tikulh dang i a um mi Greek miphun hna, bawmh nak hal ah, A ke bak in meng tam tuk a tli i a va chimh hna. Cu pa upat pek nak ah “Marathon Tlik zuam nak” ti asi.
Chin GZ nih lung thawh tein an derh cang mi, CDF then cheu ding ah aa zuam cuah mah mi hna hi, Greek pa btk Miphun lehrawi tu DALAAN nan si hi nan i theih rua lo. Chin miphun Thawn nak le Power ngeih nak caah nan khuakhan nak hi asi lo.
MAH le Ralkap tei a duh mi nan si rua lo. 22222 Revolution timi Paucan Dothlen nak hi GZ ta asi hi nan philh dara? Na ke neh an um ve lo i, na aw-an te hmanh Nimte awn tluk in kan theih ve tung lo (Chin PDF duhtu hna).
Nan nih nan saduhthah cu: GZ nih MAH le Ralkap tei hnu ah: Cozah derh than i Lal than, duh poah in tlawnlen, duh Chung fir than, mi nupi mitthi than, Chin mi Chun Mang vialte vaivuan ter than; Cung Nung bik fapa btk in Lal than, Chin mi hrem than, Tilu le vate lianh in Chinmi pawn chuah, Ralkap Anasin thlak in Civil Anasin nun ter than, tbk an si ko lo maw? Democracy kal hnu ah Federal kal hei tiphun, fih nung in.
GZ vision le Mission he Van le Vawlei tlukin aa hlat ko tung! Chin GZ Strategic Planning cu: “Anasin vialte (Civil + Ralkap) tla cikcek cang seh” “2008 phung hrampi rawk cikcek seh” “Federal Democracy derh cang seh” Federal Phung hram pi ngeih cang usih”“A better Nation, A Developed Nation, kan siam lai” “Vawlei pi ah lim hang le power in a khat mi Nation sersiam cang usih” tihi Chin GZ Muko asi.
Nan mah Chin Upa hna chimh lo, NUG hmanh nih Chin GZ hnu dakaw an zulh. 2008 phung hram pi hi hnar cheu lawng dakaw NUG nih a hrawk. EAOs nih NUG cu, lung takin 100% an pomh lo nak aruang hi nan tuak bal lo maw?
NUG nih EAOs thawng lawng in MAH kan tei khawh lai tiah 100% an cohlan. EAOs tuahtuan mi le Planning cu Automatic cohlan asi. Western Territory cu CNF/ CNA tuanvo siseh tiah NUG nih a ti. (Cc: Pu Salai. Thla Hei, GS- CNF biahla).
Cu lio ah nan nih Lubo rual 3-4 nih CNF ke phelh timh in, PDF ah kan thlen lai nan ti maw cu? Nan zang van tha hi mu! EAOs le Tlangcung mikip nih an zumh bak mi Dr. Lian Hmung Sakhong hna Lih nan puh, a tang i dor nan duh lo, nan zuam cawh mi hi Ning ngalh asi ee.
NUG nih an bochan bik mi, Dr. LHSK hna zei nan i rel ter lomi hi cu: na cei nak tu si lehlam lai. GZ he Hakha khualipi le Chin ram kip ah: MAH le Ralkap kan duh lo ti lio ah khan, nan thih dara kan ti nain, nan nung than darah tu hi, nan aw a thang ngai i, nan ning hngalh ngai tung ee!
Bianabia: Hakha ah thla thum Sandah piah caan, Ni khat ah Mino 10000 leng caah, Ni khat phaisa dih mi ting 5 leng, Hmaisuan le Security Mino 100 leng caah thuam, ting 10 nih pakua lawng a zawh hna, GZ nih mah tein fund raising an i kawl tung. Cu lio ah CM, Ministers le MP tam deuh Hakha nan um rih tung.
Nan mui chimlo, nan keneh hmuh khawh si tung lo. Thazang pek nak bia zong nan rak chimh tung lo. Party EC member zong bia chimh fial khawh an si tung lo. Sandah piah nak ah nifatin aa telmi, Politician Pu Neih Ung nih Party Upa hna, a va naih hna i biachimh a fial ah, bia dang pi an i chimh ter.
Ara kho mi EC Upa pa zong, a zurit buin a ra ve tawn le GZ Upa a ngiar tawn hna khah. Salai Van Bawi Lian lawng bia nan chimh ter, Mino Hruaitu hna Warrant an chuah lo ee, mi Ral chiat hna ee, cu ee, kha ee, tiah Nuai a hnuk hna kha! Hlan lio Saya Rung Kaw siseh law, chep ko in a bengh cang hnga! Si ne seh tiah amah kan hruai ter. GZ muko siloin Thakhin Kudawhmai hla a Sak pi hna. Kudawhmai cu Tlangcung mi Sal zuat zungzal ding in thutiam tu asi, a cat lai te tiang in.
Chin duh mi cu: GZ nih thawk mi le GZ nih hruai mi 22222 Revolution asi caah GZ dirh mi CDF asi zong hi nan cuap siloin, nan Lung thin in nan tuak ve a herh fawn. Kawl rawn lei PDF thanh hlan ah CDF cu derh asi cang, Training diam cang. Kawl rawn PDF Training tu zong EAOs an si tung. MAH le Terapte hi Kaakip in kan tei cang hna: International level ah, Legitimacy ah, UN ah, EU ah, Japan ah, Australia ah, tbk.
MAH nih Meithal le Covid in an kan kah nain an kan tei hlei lo. EAOs, PDF – Kawl, CDF, KNDF, nih kan tei tuk cang. MAH nih kan Thawn nak kek kuai ter ding kha a planning asi cang. Bochukci Khin Nyunt Chancellor a lak chan zong hi ruang ah asi.
EAO lak ah a thawn bik Karen cu KNU, DKBA, BGF in an then dih hna. Tu zong then cheuh aa timh rih. Pado Sawdahmiah cu KNU nih an phuah ruang ah an buai than (Kawl uico 25 a thah hna ruang ah). Pado Saw Dahmiah Hoami KNDO hi i then rih hna seh tiah Ralkap nih a phun phun in aa zuam lio asi. “KNDO nih KNU Luban thah an duh hna tiah” Uico te Hotu Zawmelung nih Lidia a thlah.
Hlan lio hmunkhat ah a um ti khawh lomi, ZRA, CNO le CNF / CNA – CDF hna hmun khat tein hma an lak lio ah, cu hna then cheu ding in PDF derh than i timh cu: MAH Tactics asi. MAH le Ralkap bawmhtu lehlam nan si deuh cang. MAH caah Vawlei tha le Dawm tha nan si leh lam lai fawh. Cu caah hi nan Lamthluan hi totally ngol hrim hrim uh. Hmai nan nawrh rih ah cun: Chin mi Ralsa ah naa chuah siam ve te lai. Teitu PA si loin Sungh nak PA na si lai fawh.
Sihmansehlaw, nang cu na duh hoi lai lo i, hmai ah na nawr chih kho men. Ningzah hngalh lo pa na si le. A hlan kan tein, Mifir, Tangka duh pa, Mi nupi duh hmang pa, Nuva tang then ter hmang mi pa, mi depde pa, Kawl Sal Tumkheng, Kawl Tawka Liak, Kawl Luban thaw in a nung mi pa, Mah Kutke toh ngam lo pa, Mi kut in Rul tlaih tu pa, Federal a lung piang lo mi pa, Mah thutdan le Bawi tuan nak caah Chin mi zuar hmang pa, tbk Nan khuachia fa Ziaza kha nan kal tak lai ka zumh fam lo cu ta.
Kan nih khuate vangnau le Lai Khal khua ah cun: hi tbk minung hna hi cu Krifa Upa, Bawitlang le Tlangbawi ah kan thimh ti hna lo. Minung cazin ah kan chiah ve ti hna lo. Cozah nih ID a tuah piak sawh hna le si ko. Nan nih mirum, Thil tikho le Mifim mithiam hna, Khuapi fa hna nih Chinram Hruaitu, nan hei thimh hna i asi ko. Hi btk Hruaitu chiakha hna an LAL Caan hi Pathian nih a mi hna dantat can asi tiah Baibol ah aum. Crd: Saya Rung Kaw
