Tuni may 13 zingka ah khan Sagaing Divison Chaung U myone ah rallokap pawl le mipi kilveng ralkap karlak ah kahdohnak a chuak i Min Aung Hlaing uico rual pawl minung 5 bak an nunnak a liam hoi tiah theih Chaung U People’s Defense Force lei nih an chim.
Tuni may 13 zinglei suimilam 5:00am hrawng ah khan Chaung U GZ aphuaih sakhan cu rallokap thazaang 300 tluk hrawng nih an va luhhnawh hna i fak taktak in kahdohnak a chuak i rallokap lei in minung 5 an thih nak asi.
Mah kahdohnak ah hin People’s Defense Force lei in minung pakhat rallokap lei nih an tlaih tiah theih a sii, rallokap lei in minung 5 an thi ve tiah Chaung U PDF a phuaih hna nih an chim. Mah bantuk kahdohnak a chuah nak a ruang bik cu Dalan pawl ruang ah a si.
Dalan pawl nih rallokap pawl sin ah People’s Defense Force an umnak sakhan an rak chimh hna i khuate lei in rallokap pawl nih Chaung myone lei ah va kal riangmang in an va kah mi hna a si tiah khua mi minung pakhat nihcun a chim. Rf: TLKN
