CDF-Thantlang thawngfianhnak an tuah. Thil tha asi. Minung cu palh kho mi asi caah palhmi a um ah cun dingfel tein ttuanvo lak ding.
CDF-Thantlang nih an palh zong palh lo zong ah an mah kut ah nunnak a liam mi Van Bawi Lung kong ah ttuanvo lak in hlathlainak an tuah cang caah an cung ah kan i lawm.
Pu Van Bawi Lung chungkhar le khuami zong nih CDF-Thantlang an khuakannak le ttuanvo laknak cung ah theithiamnak he an cohlan hrim lai tiah ka zumh. Crd: Salai Dokhar
Relchap- CDF-TT nih an kuttang sachia rual an tlaih ahau: CDF-Thantlang ralkap lak ah 99% cu miphun dawt ruang ah nun thap ngamh in hriam a tlaimi an si ko, minung 10 hrawng lawng khi MAH a lomi sachia sahrang an si. Hi sahrang cheukhat nih CDF an aiawh bak lo timi mizapi kan i fian cikcek a hau.
CDF zulhphung ning ah cun dalan tiah ruahmi tlaih or thah timh tikah CDF Council nih bia an ceih hmasa lai i hnatlaknak an ngeih hnu lawng ah tlaih or thah khawh a si.
Nain, uico sachia rual nih cun an zuu rit lung in an rem lomi an velh, minung pakhat nunnak tiang an lak— dalan a si le si lo CDF-TT Council hnatlaknak um bak loin. Minung pakhat nunnak kha an rit lio lente celhnak ah an hman.
Nunnak lak sawh hmanh si lo, a taksa nih a celh ti lo tiang in an tuk velh. ISIS Muslim terrorist nakin fih an nung deuh, mahbantuk tuahsernak hi minung asimi poah nih doh a herh, abik in CDF-Tt nih fak khun in nan doh awk a si — action nan lak hna hrimhrim a haumi a si.
Hitluk a sualmi sachia sahrang hna kha action nan lak hna lo i nan dirhkamh ko hna ahcun CDF-Tt cung mipi zumhnak a zor tuk te lai—cucu aho hmanh nih kan duhmi a si lo. Crd: Salai Lungthli Tum
