Canada Khuasa Chin Mi Caah, Ka Lung-um Bia

Tu tan Chin miphun ningpi in ral kan thawh cuahmah lio, kan fale rual Gen Z hna nih nunnak thaap in ral doh ah an i thawh cuahmah lio, nunnak an pek cuahmah lio ah an herhmi hriamnaam, zenthong le kuan ( zenthong hi ti bantukin kan hmanter khawh hna a herh, tam taktak a hau), an ei din ding, hliamtuar nih an i thlopnak ding si le ai, an uniform, an kedan,

An tithawl, an luchinh,an ruksai ( rucksack),an i chawngbiaknak walkie talkie..tbk..vialte zalhpiaknak ding caah le…Kawl ralhraang rallokap pawl nih vanlawng jet fighters le helicopters i rinh in van in chuk kah in an kahmi hna i vennak ding caah VANLAWNG KAHTHLAAKNAK MIAKPI pali-nga( 4,5) tal cu rak kan damh piak kho ulaw..kan nunnak kan thaapmi hi nunnak thaap taktak ding a phu ko hnga..tiah ramtang in zualko thawng an au cang.

Phaisa hleivuang kan ngei rih lo ti in maw an bia hi kan leh hna lai?Kan chungkhar budget i a hleivuangmi lawng thawh khi cu lungthin takin thawh ah ka rel lo kei cu( a phung men, zoh dawh sawhsawh ah ka ruah). A herh ningin Credit card hmanh ziah dih ding, Savings kan khonmi hmanh a za tawk cu chuah dih ding, RRSP hmanh cash zeimawzat with draw ding ka timi asi. Ziah tiah an nunnak dihlak hmanh a thaap i raldoh ah aa thawhmi kan fale a um lio ah.

An nunnak an thaapmi khi an nunnak a hleivuang an thaapmi asi lo timi khi hngalhpi hrimhrim ding kan si. An nunnak a dih umek in an thaap vemi a si tikah..Khua cu ruah taktak a hau cang.Atu tan raldoh hi kan hrulhter sual asi ahcun next kum 70 Kawl ralkap uknak ṭha lo ( brutal regime ) tangah um rih asi ko lai.

NOTE: Pay check to pay check in a nungmi Canada hlawh tlawmte a ei mi hmanh nih, Canada ah kum 5 ṭha tein rian a ṭuan cangmi paoh nih cun RRSP ( Registered Retired Saving Plan” timi kan tar tik, pensen kan laak tikah chuah te ding, Pensen laak hlaan hmanh ah hi vawlei hi a kaltaak te ding kan tor kho men) khi a tlawm bik $5000 cu emergency in withdraw ( chuah) khawh a si.

Chungkhar caah Thlarin (Saving a/c, a herh tuk tikah chuah khawhmi) a ngeimi zong kan tor lai. A herh rih ahcun kan chungchuak kan fale caah kum 18 an tlin tik i chuah te ding kan khon piakmi hna, RESP ( Registered Education Saving Plan ) hmanh cheuh ding an si ko. KANAAN ( Mathematics ) in ka tuak ningah, Canada khuasa chungkhar pakhat nih a tlawm bik $500 kan burh cio hna ahcun W-89 Miakpi fate pa 2 cu fawite in kan zalh piak khawh ko hna. Construction site ah rianhraang a ṭuanmi hna caah cun $1000,$2000 cu an burh khawh ngawt dih ko lai.

PPP.

CANADA.

 

 

 

Total Page Visits: 455 - Today Page Visits: 1

Leave a Reply

Your email address will not be published. Required fields are marked *