Tuzan zanlei suimilam 4:00pm hrawng ah Pekhu myo Kyaukrunkung mawtaw lampi mei ponh ah Truck motor pakhat cu a break a rawk ruangah a hmai i tli mi setbing le saikal cu a pah hna i an pahnih tein a hmuh ah an thi cawlh tiah theih a si.
Ka tlai sual lai ti maw ahei phan ngha cak taktak khin a Truck mawtaw pi cu a rak driver pa nihcun a rak mawngh in ruah lo piah a break a rawk caah a thing kho ti lo ai timh bak lo mi minung pahnih cu thi lak in a pah hna. A hmaisa deuh ah setbing mawngtu nu cu a ttiah hmaisa hnu ah saikal ai cit mi pa cu a pah tthan tiah pawngkam minung hna nihcun an chim.
Truck mawtaw nih thi lak in a pah mi minung pahnih cu Kyaukrunkung mei ponh i an dir lio pi ah a rak pah mi hna an si. Truck mawtaw manghtu pa nih a chim ning ahcun ka mawtaw break a rawk ruangah ka dirter lai ka ti lio ah khin ka dir khawh ti lo caah kan pah sual mi hna an si tiah a chim.
Cak tuk in a rak mawngh mi a si caah an pahnih tein an kutke tiang an tan dih caah pawngkam mi hna hmanh nih an zuan hnawh cawlh ngan hna lo. Mah accident cangmi kawng he pehtlai in tuanvo ngeitu hna nih hlahtlainak an tuah cawlh tiah theih a si.
