Kan Pathian lam hruai nak thawng in Kan kawlram cu NLD nih cozah an vun tlaih hnu in a lam kip in kan vun tthang chin tluahmah caah tlawmpal a um kho deuh mi nihcun pumpak mawtaw an i ngeih dih cio hna. Mah lawng hmanh si lo in Laitlang khuate tiang in motor saikal inn khat pakhat tluk ngeih dih a si.
Pathian thlawchuahnak thawng in ruah lo tuk in kum thum li te chung ah biatak in kan vun tthanchon tik ah thlawchuah petu Pathian philh riangmang in vawlei lei sualnak ah heh tiah a tlau mi zong kan hung karh chin tluahmah ve. Minung tampi nih Pathian thlawchuah a kan pek mi hna cu sullam ngei lo tuk in a hmang mi an vun karh chin thluahmah caah nichiar te ti awk in accident thawngpang nih a kan lauter lengmang.
Tuni ah Tachileih myo sang pakhat ah kum 4 nghakchia nute Ma Zinwai Hnin tiah an auh mi cu a pu he laam an len cuahmah lio ah khin nu pakhat nih mawtaw in a rak pah hna caah a hmun bak ah anunnak a liam cawlh tiah theih a si. Nghakchia nute cu fak tuk in mawtaw nih a pah ruangah zoh ngam lo tiang a taksapum cu ai tthen cheu dih.
Nghakchia nute Zinwai Hnin i a pu cu mawtaw laam kam vampang ah a rial chih caah tlawmpal hliamhma a pu ve tiah theih a si. Ngakchia nute ruak cu a rannnak in an lak cawlh in Tachileih sizung ah posmortem tuah ning an kalpi. Pawng minung a hmu tu nih an chim ning ahcun mawtaw mang tu nu hi ningcang lo tuk in mawtaw a mawngh ruang ah accidentnak a cangmi asi tiah an chim.
Kan kawlram ah khin nichiar ti awk in accidentnak thawngpang theih awk a um lengmang i mah chung ah cun a tam u cu sikaan ngei lo tuk in mawtaw. saikal an mawngh ruang ah a cang mi asi. Cheukhat cu zurit bu hna in mawtaw, saikal cian taktak in an mawngh tawn ruang ah nuam te in laam a lengmi hna an nunnak a liam lengmang tawn nak a si.
