A luancia mi Nov 8.2020 lio ah kawlram election an tuahnak mee peknak zung ah rianttuan saya/mah minung 50 Covid-19 zawtnak an kai tiah theih a si. Mah minung sawmnga chung ahcun sayamah pahnih cu tuni Nov 26 ah an thi tiah theih a si.
Mee peknak zung rianttuan minung pahnih an thihnak kawng le minung sawmnga nih Covid-19 zawtnak an kai nak kawng cu kawlram pumpi ah saya/mah pawl hna i an hruaitu bik nih a chim hi a si. Minung sawmnga nih zawtnak an kai lawng hmanh si lo in an chungkhar le tiang in an chonh dih manh hna tiah theih asi.
Tuni Nov 26 ah hlathlai nak le test nak an tuah mi ah minung sawmnga bak nih zawtnak an kai leng ah minung pahnih an nunnak a liam hi a si. Mee peknak zung ah rianttuan Covid-19 zawtnak a kai mi hna cu minung pakhat ah an lutlai cem sayamah nu nih thong 50000 cio an pek hna.
Mah kawnglam cu Pidaungsuhzuaikohpuai commision lei nihcun tu tiang ah hin zawtnak a kai mi hna cu pehtlaihnak hmanh an ngei rih hna lo tiah theih a si. Nov 8 kawlram election hnu bak in biatak tein Covid-19 zawtnak a karh hi asi. Tu ahcun nikhat ah minung 1500 nak tlawm lo nih zawtnak an kai leng ah nikhat ah minung 20 cung peng an thi. Rf: BBC Burmese
