Covid-19 pulrai ruangah vawleicung ram kip thlapa thla zeizah maw chung lungrethei i kan um lioah kapkhat lei ah accident nak phunphun ruangah minung tampi an nunnak a rak liam fawn. Kan vawlei khuacaan hi zoh lengmang tik ah hna ngam ngai in um awk kan ttha hrim ti lo.
Nizan December 18 ah Brazil ram nitlak lei i um mi Santa Katari pyine ah ruahpi tamtuk sur ruangah tilian a chuak ciamman i minung pasarih an thi i, minung 22 an thi maw an dam ti hmanh theih khawh lo in an tlau tiah nawl neitu nihcun an chim.
Zeitluk in ruahpisur a tam ti ahcun suimilam paruk chung ah milimita 125 tam an sur ruangah EBrama ah tilian nih tlang a cimh ter ciamman i inn tampi a chilh dih hna ruangah minung 6 direct bak in an thi cawlh i, minung 22 cu an umnak hmanh theih lo in an tlau dih.
Meithattu phu hna nih aran nak in an zuan hnawh cawlh hna minung paruk ruak cu an chuah khawh, si nain minung 22 cu kawhzei ah dah an tlau tihmi hmanh an thei kho rih hna lo. Ruahpi tamtuk sur ruangah Brazil ram chung myo 14 hna cu cozah mei line vialte a rawk dih caah mei hmanh an nei lo.
Meithatphu hna nih accident a tlung timi thawngpang an theih le cangka an va zuan hnawh ko nain vawlei min a tam tuk caah ruahpi a tam tuk caah minung 22 cu tu tiang an hmu kho rih hna lo tiah theih a si. Kan umnak hmun cio in thlacam bawm cio hna u sih zaangfah le ngaihchia taktak an si.
