Vaurawng-CDF Paih” caah Salai Biak Hmun Sang nih Rung Lian Ceu a zuam cawhnak $5000 cu Varawng-CDF Paih, Secretary Salai Tial Sang sinah a rak ap cang mi teinak a hmuh tthan caah amah phaisa liam a hau tthan ti lo.
“Vaurawng-CDF Paih”August 21, 2021 chun suimilam 12:00pm in 9:00PM ah a si lai tiah an rak thanh bantk in tuzan ah zunglawi le ropui taktak in paih zuamnak an tuah i Biak Hmun Sang nih Chung Cung cakei Rung Lian Ceu cu fawi tuk a tei.
Ka chuah semka in tuchunni tiang ah kan Laimi/ Chin mi chung in paih thawng tiah an chim mi tampi kan theih cang hna, cu ka theih mi hna chung cun tulio kan Lai paih ah buan a co mi Rung Lian Ceu bantuk i paih a thiam mi le a tthawng mi hi ka hmuh rih hna lo tiah ka rak ti mi cu Biak Hmun Sang nih tuzan ah fawi tuk a tei ne ai.
Rung Lian Ceu hi cu hmunhma rem nak ahcun Vawmpi sum 6 he hmanh i thua hna sehlaw Vawmpi nih a tei bak lai lo tiah ka rak ti mi pa cu Biak Hmun Sang nih fawi tuk in a tei diam ai.
Paih a ka duh mi nan um maw? Nan ka tei cun $5000 CDF sin ah donation ka tuah lai. Kan tei ve hna si cun $5000 Donation nan tuah ve lai tiah a rak singkhaw mi cu ai chuah diam ne ai. Hmailei ah Bawipa nih teinak inpe tthan hram ko seh.
Bia Hmun Sang interview an rak tuah lio ah a rak chim mi cu Rung Lian Ceu nih Lai Pa a ka ngamh mi nan um ah cun $5000 in ka singkhaw uh ti mi cung ah ka upat. Kei mah nih $5000 in kan singkhaw. Atu lio a tthawng bik mi Lai Pa na si caah tei kan duh i kan singkhaw i a tei zong kan tei hrimhrim lai tiah a rak chim mi cu tuzan ah a tak bak in a vun kan hmuhsak.
