Tuzan October 30 ah “ONE Championship: Inside The Matrix” Singapore ah Aung La N Sang le Martin unau hna pahnih cu zuamnak ah an lut veve mi an si caah an pahnih in an ni thong cang lai.
Tutan Aung La N Sang taisawm chuh aa timtu champion Ridder hi a biachim a raltha kho taktak. De Ridder hi BJJ [Brazilian Jiu-Jitsu] athiam bakmi, BJJ black bell bak a si. Ridder hi voi 12 aa thong cang I, voikhat hmanh a sung bal rih lomi asi fawn.
De Ridder nih a timi cu, “Aung La N Sang cu keimah kut bakin ka donghter lai, Aung La Sang taisawm cu fawi tukin ka kut cung a phan lai tiah a chim. A chim tthan rih mi cu, Aung La Sang thawnnak cu tutan ah a dong canglai tiah a ti.
Tutan Aung La N Sang vs Ridder hi “ONE Championship Inside The Matrix” main event aa thua ding an si. Tuzan an ni thong nak ding hmun cu SINGAPORE INDOOR STUDIUM ah asi. Anmah lawng hmanh si loin, Aung La N Sang naupa Martin Ngunyen zong aa thua ve lai caah Laimi nih kan I ngaih khun nak a si.
Champion Tial Cung Thang nih a zulh hna. October 30 “ONE Championship: Inside The Matrix” cu tlolh lo bak hau cang. Aungla Sang nih Ridder cu ka tei colh lai tiah a ti ve. Ridder thiamnak bik asimi BJJ practice ka tuahnak a hlan tuk cang.
Ridder cu atha ko nain tutan ah Ridder ( 12-0) in teinak a hmutu hi ka kut in atla colh ve lai. Zeitintiah keimah Aung La N Sang cu mi phundang, saram phundang ka si ti chim than le theihternak tuah than ka duh. Voikhat hmanh a sung ballomi Ridder cu ka kutin a sung cang lai tiah a chim ve.
