Kan kawlram cu Min Aung Hlaing uico pawl nih fabuary 1 zinglei suimilam 3 hrawng ah uknak an lak i, mah ruangah cun mipi nih duhlo nak langhter in heh tiah tuchunni tiang sandah an piah. Sandahpiah tu mipi hna cu meithal he an kah hna ruang ah minung 300 reng lo an nunnak a liam cang.
Mah ruangah cun ramtang hriamtlai phu a si mi KIA, KNU, DKBA hna nihcun dai tein sandahpiah tu mipi ningcang lo in a that nawng tu Min Aung Hlaing uico pawl cu biatak tein an doh ve hna. Nai teah KIA hriamtlai phu nih Min Aung Hlaing uico pawl zeimaw zah an thah hna leng ah an sankhan tampi an lak piak hna.
March 25 ni zong ah KIA hriamtlai phu hna nih Alaw Bum ralkap sakhan cu an lak piak hna i minung 40 reng lo an thah hna leng ah minung pali a nung bu in an tlaih rih fawn hna. Mah lawng hmanh si lo in tuni march 27 Tatmadaw neh niah Min Aung Hlaing uico pawl sakhan Timota an timi sakhan cu KNU nih an lak tthan tiah theih a si.
Atu lio KIA, KNU hna mi kah le doh cu tih a nung bak. Kawl ralkap nih a celh an celh lo. Nizan March 24 zanlei suimilam 5:30 tluk ah Kachin Ban-maw khayan Mo-moh peng ummi KIA Tatmaha 5 tang tatzin 25 le 30 hna nih an pawng Kawl ralkap Hk. M. Y 387 sakhan cu an nam hna i fak taktak in an rak i kap hna.
KIA nih ralkap sakhan an lak piak mi Alaw Bum khua kam ah um mi KIA, Army camp Alasili cu nizan 3:00pm hrawng ah khan kawl ralkap nih an helicopters 2 in bomb an thlak hnawh hna tiah theih a si. Ralkap nih an hman mi helicopter cu Khamar 320 helicopter a si tiah theih a si.
