Tuni may 9 ah Kachin ram Alaw Bum tlang i rallokap sakhan kan hnung lei ah KIA lei nih an rak lak piak hna cu rallokap lei lak tthan kir tthan an timh caah biatak tein kahdohnak a chuak peng. SAC tapung pawl nih an KIA kut cung in an sungh mi sakhan lak tthan ding ah Tank le Hriamnam ngan, Aircraft tiang an hmang cang tiah KIA lei nihcun an chim.
Mah kahdonnak ahcun kap hnih tein a thi mi an um veve. Tuni may 9 zong ah biatak tein kahdohnak a chuak tthan i rallokap lei a thi mi le hliamhma pu an tam taktak tiah theih a si. Cun KIA ralkap lei zong a thi mi le hliamhma tuar mi tampi an um ve tiah KIA ralkap nih an chim.
KIA kan unau hna caah thlacam daithlang awk kan ttha hrimhrim lo, a ruang cu rallokap lei nih an sungh mi Alaw Bum tlangcung sakhan cu rallokap caah a biapi tuk mi hmun le hma a si caah ngol hrimhrim an tim ti lo.
Kan theih dih cio bang in rallokap lei cu hriamnam ngan tam tuk a nei mi an si. Mah ruang ahcun KIA, KNU, AA hna caah cun fawi tuk i tei ding cun a harsa taktak ding a si. Zumtu hna kan thlacam piak nak thawng in tuchunni tiang an dirhmun ko ahcun lungrethei tuk cu an si lo.
