National Unity Govermment of Myanmar hruainak tang ah ummi Bago ramtthen, PDF le PDF Southern Military Headquater sin ah an herhmi thilri zalhnak ding caah tin Thailand ram ah phanmi pawl sin ah bawmhnak pe tawn tu Aid Alliance Committee (AAC) phu nih Kawlram phaisa Kyat ting 100 le Thailand ram phaisa Baht 1000000 bak an lut hna.
Southern Military Headquater ah Baht 1000000 bawmhnak an pekmi hi voithum tthen in pek a si lai, nizan September ni 21, kum 2021 chun suimilam 12:00PM hrawng ah khan National Unity Government i ministry of home affair lei in vuanci U Lwin Ko Lat sin ah AAC nih Kyat ting 100 le Baht 1000000 cu Thailand ram phanmi Myanmar miphun hna aiawh in a hlut.
Thailand ram hrambunh Aid Alliance Committee (AAC) phu hi Thailand ram ah a rak phanmi Kawlram miphun hna nih bawmhnak an pek ciomi minung le minung kar zawn ruahnak ah tiin ti le rawl, sii le thilri dang dang hna zong NUG sin ah bawmhnak a pe pengmi an si.
AAC nih tuni caan tiang ah NUG sin ah bawmhnak a pekmi hi Kawlram phaisa in Kyat ting 70000 leng a si cang, tutan ah bawmhnak an pekmi hi PDF hna caah tiah tlaangtaar bak in pekmi bawmhnak a si caah kan PDF pawl hna zong an thazaang tthawng deuh ve cang lai.
