Kan kawlram cu kan theih dih cio bang in kawl ralkap nih fabuary 1 ah in nawl ngeihnak an lak tthan. Mipi nih ralkap uk duhlo nak langhter in sadahpiah nak an kalpi cloh i tuchunni tiang ngol lo bak in an kalpi peng.
Nawl ngeihnak la tu ralkap nih cun mipi sadahpiahtu pawl hna cu heh tiah methal he an kah, minung tampi an tlaih hna i thong ah an thlak hna. Ningcang lo in nawl ngeihnak la tu kawl ralkap kut in tuchunni tiang ah minung 800 tluk hrawng an nunnak a liam cang.
Mipi sualnak nei lo hriamnam he bak a thah cuahmah tu kawl ralkap pawl cu AA, TLNA, MNDAA, KIA hna nih hmun khat teah i fonh in biatak tein kan doh ve cang lai tiah thawngthanh nak an tuah. Hi tluk lungrethei i kan um lio ah mah bantuk thawngpang hna vun theih cu lunghmui taktak a si.
Tuah hin AA an hmunpi Kachinpyi, Laizamyo ah a um mi AA ralkap pawl hna cu KIA le kawl ralkap kahdoh nak ah kan i fonh cang lai i biatak tein kawl ralkap kan doh ve cang lai tiah mipi theih le hmuh ding in thawngthanh nak an tuah.
Mah long hmanh si lo in nizan tihni ah Dr. Sasa le Uk hriamnam lei an lutlai cem tawn biaruahnak an ngei. Cu biaruahnak an ngeih tlalwm pal ahcun NUG cozah thar nih an dih mi PDF ralkap hna caah meithal ttha cawk ter ding in hnatlak nak an ngei tiah theih a si fawn.
