Jesuh zulh dinh in biakhinak ka tuah cang. Hnu lei kir than khawh ka si ti lo. (I have decided to follow Jesus, no turning back, no turning back) Philipine hla in Amah hi sikh biaknak a zulh mi a si. Apa hi mirum a si. Anu nih Silk tlangbuai si ding in a ngakchia lio in a rak cawn piak tawn mi a si.
Amah hi nu le pa upat thiam ngai mi a si. Nikhat cu apa nih tangka a pek mi (Pocket Money) cu a put i dawr ah sweet cawk ding in ah a va kal. lampi ah cun pitar kutdawh rawl ei ding mi a ngei lo mi a hmuh. A lungchungah “kei nuam ngai in ka um I, natein mah pitar nu hi ei ding zong ngei lo in a um tiin thil cawk a tim mi cu cawk loin tangka dihlak cu mah pitar kutdawh nu cu a pek dih
Inn ah alawi apa sin ah, pitar, rawl eiding a ngei lo mi, kit a ti ngai mi, zaangfah a si ning kawng cu a chim I, a pa sin ah kit a tingai caah blanket tha an ngei mi ka va pek lai tiah blanket a hal. Natein apa nih, Ka fapa, Hi nu pitar hi voih tampi ka bawmh cang, atu cu midang nih bawmh ve cang hna seh. Midang nih an bawmh caan a si cang tiin a fapa cu a leh, mah bantuk in apa nih a let mi cu a lungfak tuk caah mitthli he tap.
Ahnuah apa tangka fangnga (5) cu a fir. (Fanga hi hlan lio ah cun a value a tam ngai, atu thawnghra 10 he a khat). Cun, pitar cu tangka va pek ding in a kal. lampi ah a kal lio ah, a ruat I, mah le pa tangka fir cu tiin a lung anuam lo tuk caah inn lei cu a kir than, Apa nih tangka 5 a tlau ti cu a vun thei, afapa sin ah tangka 5 na lak maw tiin a hal, Afapa nih a pa cu a upat tuk caah ka lak tiin a chim ngam lo caah ka la lo tiin a leh.
A voihkhatnak ding caah lih a chimnak a si. Natein mah bantuk in tangka 5 apa ta fir hnuah lih a chim than hoi mi cu a lungthin a nuam kho lo caah zankhua deih in a nghilh kho lo. Thaizing ah a pa sin ah kal I thil sining chim a tim. Apa nih a vel lai I ceilak in a sik lai ti kha a lungah a hun chuak, Natein tangka fir i lih chimnak in cun zeibantuk a cungah a tlung zong ah a tha thiam thiam tiin apa sin ah cun a va kal.
Aap sin ah a phuan hnuah apa nih a kuh I, mitthli he ka fa, kaa zum tuk mi na si, tiin Pitar kutdawh cu thil tampi le tangka tampi hmangin an pafa he an va bomh than (Hi Vialte hi a ngakchia lio kong cu sih ko sa, asau tuk lai caah) A vun than thluamah I a nun cu a thleng thluamah ve, Khrifa Bible cu a huat ngai, mipi hmaih ah Khrifah Bible cu a thleh I a hrawh lengmang.
Khrifa biaknak hi a huat tuk caah Bible cu mei tiang in a khangh. Mah bantuk in Khrifa biaknak Bible a tuah tawn caah apa nih, Cauk tha tuk mi a si, zia mah bantuk thil na tuah tiin a sik ve, natein Khrifah pawl a doh peng I, Khrifah pawl doh cu nuam a ti tuk caah a zia a thin duh lo
Mah lawng si lo in Pathian thawngtha chim I a kal tawn mi Missionary le Evangelist hna cu lung in a chet tawn hna I, mi dang zong a forh tawn hna, a hnuah Khrifa dohtu hruaitu bik ah si.
Mah bantuk in Khrifa zumtu hna cu a tuah tawn caah khrifa pawl hrem le zeireloin tuah cu nuam a ti tuk cang. Kum 16 A vun phan bak in a nung cu a thleng I, Cun Hindu tlangbuai pawl Sadhu pawl sin ah a kal ton I, Sikh cawnpiaknak cu a cawn ve, mah hnuah cun Hindu cauk pawimawh tuk mi The Holy Vedas cu voih tampi a rel dih caah a thei dih, Mah lawng cu si lo in Muslim cauk The Holy Quran zong heh tiah a rel tawn.
Cun Sikh tlangbuai si ding in a pek, Hmun dang dang ah a kal. Natein a lungthing ah hna ngamnak a ngei kho bak lo. Voih tampi sikh zumnak le Hindu zumnak hmangin Yago zong a tuah tawn, natein a lungchungah hna ngam nak tak tak le daihnak tak tak a ngei kho bak lo
Zeihman sualnak ka tuah lo in, ka tha I, ka fel. Silk tlangbuai tha si ka tim, natein nihin tiang hna ngamnak ka ngei kho lo tiin amah le amah I that a tim cang.
Mah bantuk in hnabeidongh in a um lio ah, Zeiah hman na rel lo mi le na nautak ngai mi le na huat ngai mi Khifah Bible kha rel law dainak le hnangamnak na hmuh lai ti aw a thei. Khriafa Bible cu a vun kau I, Voihkhat a kau bak in Mathai 11:28. “Rethei le thilrit mi vialte hna, ka sinah ra tuah u, dinhnak kan pek hna lai” ti hi a si.
Mah a rel huah cun a nuam tak tak cang. Hnangamnak a ngei cawlh. Cun, mah zan ah a nghil kho lo caah zinglei suimilam 3 hrawng ah a tho I thla a cam. Pathian na um tak tak a si ahcun lam a hman mi le a dik mi cu ka hmuh sak. Na ka hmusak lo ahcun ka inn hnungah zing suimilam 5 hrawng ah tlanlawng a rah ding mi cu ka rialter lai i ka thi lai tiin thla acam. Mah bantuk in thla a cam hnuah a umnak room chung cu niceu bantuk in a vun ceu.
A lau tuk I ka room chung ah meikang maw a chuak tiin, natein mei kang zeihman a um lo. A ceu tuk caah a mit a au ngam lo. Cun aw a thei I, Zeitik caan dah na ka nihsaw lai I zei rel lo in na um lai. Lam dik le a hman mi hmusak ka tim I, zia lam dik le a hman mi cu na zulh ko lo tiin aw a thei mi lei cu a vun zoh i a huat ngai mi Jesuh cu a hmu. Jesuh hmaiah a kun I thla a cam (Sautuk lai caah ka dawngter cang ko lai)
A room chungah a thil ton mi dihlak cu a pa sin ah a chim. Apa nih Jesuh kong a vun thei bak I ceilak in a sik. Sikh miphung ngan kan si. Khrifa zumnak ah na let kho lo tiin apa nih silk caah mi pawimah an si ning vialte a chim. Natein a duh lo. Apa nih amah caah ro a chia mi, sui, tangka inn tha vialte cu a pate nih a hmuh ter I, Khirfah na si ah cun hi vialte hi na coh lai lo a ti. Apa nih Khrifah na si ahcun ka inn chungah na um kho ti lai lo a ti i, Jesuh ka zulh cang lai tiin Khrifa biaknak cu a tlaih I a chungkhar, a pa, a u hna cu a kal tak hna.
Apa a thinhung tuk caah a rawl eiding mi chungah sivai a chia piak. Khawika ah dah ka kal lai ti zong a thei lo, a hmai lei kha a kal thluamah ko. Zaan cu a vun si I, Nuam ngai in apa inn chungah a it ton mi kha a voihkhatnak ding caah Jesuh ruangah puan lo in a it ve cang lai. Tupi ah cun a voihkhatnak caah amah lawngtein puan loin in a it ve cang.
Thaizing a vun si I, a rawl a tam. A donghnak ding caah apa in vhungin rawl a keng mi cu a vun ei, apa nih sivai a chia piak caah a ei dih bak in a pum a fak tak tak. Khua pakhat ah a lut I, midang nih siizungah an chia. Sibawi nih a chim mi cu a caah thawngchia bik a si. Na dam kho ti lai lo, sivai na ei caah, khamh khawh na si ti lo tiin. Natein Thaizing ah ruah lo piin a pum a fak mi vialte cu a dam dih.
Sibawi cu a ra I, a zoh tikah a khuaruah har tak tak. Damtein na hmui hmu ding mi hi ka zum lo tiin a let. Sibawi zong cu Khrifah zumnak cu a cohlan ve. Pathian thawngtha chim I, Tibet le Nepal le India ram le UK, le ram dang dang ah a kal. Tibet le Nepal ah Jesuh rian a tuan lio ah lung in ceilak in an chet I, voih tampi siizung aphan. Tibet khua pakhat tlangbuai nih khor thutpi ah a taanter. Natein zeitin dah a chuak khawh ti an thei lo.
Pathian rian a tuannak ah a thil ton mi hna hi minung lei cun celh ding a si lo. A har tak tak. Apa nih ka fa rak kir than law tiin ca akuat peng. Natein a dawnghnak ah cun a zum ning kha a pa nih a hman mi a si lai, hi bantuk in ka fapa nih a tlaih mi le a zum mi hi cu a dik hrim lai tiin apa zong Khrifa ah a let ve.
Tibet le Nepal ah Pathian rian a tuan lio ah khuami nih an duh lo caah an dawih tawn I, voih tampi cu ramleng ah a it tawn. Khuasik lio ah cun a kit tuk caah chiangdei le cakei nih an it pi tawn ti a si. (Sau tuk cang caah ka dawngter cang lai) Mah bantuk in harnak le sifaknak a ton hnu zongah Jesuh cu a kaltak kho lo caah mah hla hi a phuah mi a si tiah mi tampi nih an chim. Mah pa cu Sadhu Sundar Singh.Crd: Lianching Madison
