Nai hrawng Kalay Myo lei covid-19 pulrai nih a tthuat hna ning cu tuksum khi asi. Nai hrawng ni khua cu nikhat ah minung 10, 16, 17 ti hna in an nunnak a liam tiah theih a si. Tuni june 26 zalei suimilam 6:30pm ah khan Pi Roengi (Evan C.B Zara nupi ) cu covid-19 zawtnak in a nunnak a liam than tiah theih a si.
Pi Roengi (Evan C.B Zara nupi) ruak cu tuzan an varpi hnuah thaizing June 27 (Sunday) zinglei suimilam 8:00am ah an vui te lai tiah theih asi. Ruakvui tu ding cu Rev. Henry Lalmuakliana a sii, Pi Enga cu Wesleyan khrihfabu an si. Nai hrawng Kalay Myo Covid-19 zawtnak a vun karh ning cu a rang tuk caah an ni thlah phoih chin lengmang ko.
Relchap-SAC Ralhrang Nih An Tlaihmi Salai Van Tha Cung A Nunnak A Liam. Kalaymyo, Tat Oo Thida sang ah June 25 zaanlei ah hringtu a pa he an tlaihmi Salai Van Tha Cung @ Ko Zaw Htet (kum 25) cu COVID-19 in a nunnak a liam, tiah nihin ah chungkhar thawng an thanh hna.
Chungkhar nih Salai Van Tha Cung ruak cu Khrihfa phung tein vui ding in an hal hna nain SAC ralhrang nih a ruak zohnak nawl zong an pe hna lo. A ruak an khanghnak vutcaam thaizing ah rak hlam te u tiah SAC ralhrang nih chungkhar an chimh hna. Crd: TCP
