Nai hrawng Mizoram cu kan theih dih cio bang in Covid-19 pulrai nih a den cuahmah hna caah lungrethei taktak in an um lio pi a si. Cu tluk lungrethei i an um lio ah nizan ah khan thawngpang chia taktak nih an den tthan hna.
Mizoram Seling khua Pu Lalparvula kum 37 cu May 11 suimilam 2:30 hrawngah Champhai lam, Seling khuataw Water Point lunglak nak hmun in Scooter he a kal mi cu a cuah ti lo caah an va hlat tikah a Scooter cu Water Point thlang deuh lamkam ah hmuh a si.
A Minung cu zeihmanh thawngpang theih chap ding a um lo caah Nizan zanlei le zanah Innpa chakthlang le YMA hruaitu pawl he kawl a si i tuzing suimilam 7 le cheu hrawng ah Scooter a chiah nak thlang, lamthlang lampi in pe 300 hrawng a hlat nak kam ah a ruak in hmuh a si.
Pu Lalparvula le a nupi Pi Lunghnemi te nupa hi lung la in paw a cawm mi an si. Covid-19 zawtnak lak in kan luat kho te ngha maw tiah lungrethei i kan um lio ah chungkhar ah harsa ngai in ni fatin Lung la i paw ai cawm mi hna nunnak vun liam ruang mang ko cu ngaihchia taktak a si.
