China nih June thla ah khan Covid-19 vaccine emergency hman dingmi kong ah WHO sin ah nawl an hal, WHO zong nih hmannak nawl a pek colh hna i July thla ah khan hma an la colh, tiah an thanh.
Hi kong he pehtlaiin kan hnu zarh ah khan China nih WHO sin ah lawmhnak zong a chim len cang kha. Secrecy agreement nih a langhter ning ah cun, China nih Covid-19 vaccine shots thong tam taktak a chuah. Nain hi vaccine hi hmanthlak bak asi ko timi evidence a um lo.
Hi vaccines a dongtu pawl cu i langhlo dingin hnatlaknak, “nondisclosure agreement” an tuahpi hna, tiah a ti. Hi vaccine hi High-risk population, cachimtu le company i riantuanmi pawl sin ah pek an si. Global health experts pawl nih cun hi vaccine hi a tha maw tha lo timi prove hlan i hman colh hi an soisel taktak.
President Trump zong nih November 3 hlan ah vaccine phawtzamh a timi cu atulio ah Democrats pawl nih an doh cemmi a si. China nih cun World Health Organization nih China’s experimental coronavirus cu hmannak nawl a pek ko hna cu teh tiah Zheng Zhongwei, National Health Commision official nih an chim.
