Vawlei cung zawtnak lakah cancer zawtnak hi kan ṭih bikmi pakhat a si. Zawt cu chimlo a min theih hmanh a ṭihmi kantam cang. Cu caah cancer zawtnak hi kan raal ngan pakhat ah chia hna usih law, mah le mah i runven thiam hna usih. Cancer zawtnak vialte lakah hani cancer hi pa pawl nih an ngeih tambikmi cancer zawtnak pakhat a si, ti a si.
Hi hani cancer hi a bik in pa hna nih anngeih mi a si titik ah nu nih cun an ngei kho loh, tiduhnak cu a si ve hoi lo. Zeiruang ah dah pa theng nih hi hani cancer zawtnak hi an ngeih khun ti ah cun hi zawtnak ngeiding in an umdeuh caah a si ko. Zeitin dah pa nih hi cancer zawtnak hi an ngeih khawhdeuh timi cu a tanglei bantuk hin a si.
Zei Bantuk Nih Dah Hani Cancer Zawtnak A Chuahpi: Hani cancer zawtnak a chuah tertubik cu kuakzuk le kuanzaa, khaini hi an si. Hi hi kuakzuknak le kuanzaa, khaini lawng in a chuakmi a si tiduhnak a si lo. Adang chemical aa telmi, a hleihluat eidinnak zong in ngeihkhawh a si ṭhiamṭhiam. Hi hani cancer zawtnak hi fawi tein i chawnhkhawh a si lengah na pumsa chung i a ummi nakut le nake tibantuk zong ah chawnhkhawh a si ti a si.
Nikhat ah kuak bawmkhat leng tam a zumi na si i kuanzaa fun 5 leng khai a hmangmi na si ahcun caan a rauhhlan ah hi hani cancer nih fawite in phanh khawh na si. Cun abik in ṭih anungmi cu khaini hi a si. Cu caah hi zawtnak chiahru nih an tlunh nak hngalo nangmah le nangmah kilven thiam le ralrin i zuam.
Hani Cancer Zawtnak Ngeihlo Nak Dingah Zeidah Tuah A Herh: Hi cancer zawtnak ngeih na duhlo siahcun hihi tuah khawh hrimhrim i zuam. Kuak a duh tukmi na si i naa phiat khawh zaulo a si hmanh ah a hlan na zukminak tlawm deuh in zuk piak. Naa phiat khawh ah cun a tṭha bikmi a si.
Cun kuanzaa le khaini zong mah bantuk ṭhiamṭhiam in i leet khawhlo hmanh ah, tlawmdeuh tein khai/hmawm piak izuam. Mah bantuk a ei pahmi na si ahcun Saangphaw hnah(papaya leave) kha chumh piak in siseh, meh in siseh ei piak khawh lengmang izuam. Saangphawhnah nih hin cancer zawtnak khamh khawhnak ṭhawnnak pakhat a ngeih ve ti a si. Cun letphatchoh kha tisa he nikhat voi 2 tal a tlawmbik dinpiak fawn.
Adang pakhat cu ti a lummi chung ah khan cite (salt) kha paih piak in dolhlo in hmawm piak ah a ṭha ve. Cu cu zingka na thawhka si lo le zaan na ih lai fatin tuahkhawh izuam. Mah na tuahnak nih hani cancer chung luatnak an peek lengah a dang zawtnak le hafah zawtnak zong an ven piak lai, tiah an chim.
Hi kan langhtermi hi a sawhsawh ah ruat hrimhrim hlah. Hani cancer ngeih na duhlo siahcun kan langhter ning tein tuah khawh le kilven khawh rak izuam ve. A bik in kuakzuk le kuanzaa, khaini tawngh a hmangmi na si ahcun Saangphawh hnah eipiak le tisa le cite in minute 5 chung hmawmpiak kha daithlang hrimhrim hlah. Ref: Trend Myanmar
