Kawlram chungah cun rawl rim thawtter tu ah hman tak tak asimi mah hnah hi atheilotu cu kan umtuk theng lailo dah. Rawl rim thaw tak tak in chuah kan duh tikah cun rawl kan chuan mi chungah mah hnahcu kan thlak tawn tikah kan rawlchuanmi rimcu arak thaw tuk cang tawn. Mah ruangah hin rawlrim thawtnak hna tiah kan kawhnak hi asi. cun chang kio tik zongah mah hangcu thlak theu tawn asibangin adang mehhang hna chung zongah thlak chih theu tawn asi. Mah hnahcu hmunkip ah hmuhkhawh mi hnah asi.
Kan rak theihmi nak in mah hnah nihcun thatnak thukdeuh arak ngeih pinah minung kan ngandamnak hrim ah cun a thatukmi si arak si. Mah hnahcu thiangtein na tawl laii na tawl dih asiah cun na den lai. A ti chuakmi cu na din piak laii mah cucu thinphing zawtnak, cuap zawtnak, ruhcang phing zawtnak, gout zawtnak, thisen kai zawtnak, cancer zawtnak, khuasik zawtnak phun phun, vun zawtnak phun phun, sivai thalo thianternak, zan nghilh khawhlonak, thabat tuknak le zurit damter tu hna hrangah a thatnak na hmuh khawh lai.
Mah rawlrim thawtnak hnahro(fe) hna cu lakphak fe bantuk in na dinpiak khawh pinah a hnah rocu na rial piak dih hnuah thak zawtnak phun phun ah khan na thuh piak laii adam dih lai. Mah hnah nihcun thil rimchia hna adop khawh ruangah hin na ihnak khan asiloah na kedan pum chung zongah na chiah khawh. A thatnak theithiam dingcu hman hmasat aherh ruangah rak hmang law na theihthiam chin chin lai.
