Vawlei fimthiamnak a sang chin lengmang. A ruahawk hmanh kan hngalh bal lomi thil tampi kan ton cuahmah cang. Minung kan taksa cheukhat (organs) Mit, Thin, Cuap, Kal, Laa, Lung tbk…pawl midang caah peek (donate) khawh an si cang hna.
Cu bantuk in “ka thih tik ah Mit, Thin, Kal, tbk… a ṭhalomi caah ka peek (donate)” tiah a chimmi mi tampi an um cang hna. Hi bantuk in a chimtu hna hi midang cung ah dawtnak thuk taktak an ngeih ruang ah a si, ti cu a fiangmi a si.
A sinain hi thil kong ah hin Pathian nih zeitin dah a ruah hnga? Khrihfa kan sinak le zumhnak kong he pehtlai in hi bantuk in an taksa cheubaang midang caah a peetu hna hi upat awk an si maw si lemlo dah?
Phaisa duh tuk ruang le herhtuk ruang ah mah taksa cheubang a zuar ngammi pawl hi teh. A herhmi caah cun nunnak pehsauhpiak bak a si. Mah caah a sunglawi hringhren ko lai.
Phaisa ka herh ruang le mi pakhat khat nih, kan nunnak kan chanh ko law tiin ka taksa ka hal hna seh law, hei zuarh hna ning law…cucu thilṭha a si ko hnga maw!?
Kan Bible nih le midang caah nun sian, midang caah thilṭha tuah le a kan fial ve fawn…. Hi kong he pehtlai in Bible nih midang caah thilṭha tuah a timi he khin teh ai khat hnga maw!? Nangmah pumpaak in teh zeitin dah na ruah ve? Ref: Thauk+Editor
