Tu chan ah cun pa nak hmanh in kuhva ei ahmang deuhmi hi nu an si cang ti u sihlaw kan palh lem lai lo dah! Nu an ni dawhnak lak ah aitel ve mi cu an sam le an ha tian khi a si. Pumrua tthat ngai ttung kuhva ei nak ha sen remrum pi vun um cu zohchia taktak khi a si.
Mi tampi cu an kaa lawng manh bak lo in kuhva khai/ ei a hmangmi an um caah khawl/ sii hmanh nih an ha khi a thianter kho ti ngha maw ti awk khin an ha a thur mi an tampi. Mah caah cheukhat cu mihmai ah zohchia tiah phaisa tampi dih in an ha cu dawr ah an thianter tawn.
Kuhva/ sahdah le kuak zuk ruangah na ha zohchia taktak in na um sual maw? Na lungre rak thei hrimhrim hlah phaisa tampi dih haulo tein fawi taktak i damter nak kokek sii ttha taktak mi ka vun in hrawmh hna. Mah cucu zei ko dah a si ti mi cu a tang ah hin ka vun langhter.
Atuah ning le hman ding mi sii hna cu: Ha nawhnak sii, Cite, Vankhawngba, Soda mah phunli hna hi cawh hna law mah hnu ah hanawhnak in i nawh ding. Nikhat ah a tlawm bik vawikhat tal cu na nawh piak lai. Mah kokek sii punghman tein na hman a si ahcun zeitik kar ah dah na ha a rang ti hmanh na theih hlan ah a rak thiang dih ko la.
A cunglei ka langhter ning te i na tuah piak a si ah cun kuhva khai, zukhmuan tawngh ruangah na ha thiang kho ti lo kha zeitik kar i a thian hmanh thei manh lo in a rak thiang dih ko lai. Mah bantuk i natuah hnu in cun kuhva vun ei tthan nak ding ahcun na ha kha na siang ti lai lo.
