A voi thumnak Gyikha khuami hna caah tiin, Oxygen cylinder, Flowmeter, PPE thilthuam, Face Shield, Boot cover, Surgical cap, KN 95 mask, Surgical gloves le Oxygen Marks hna kan chanh ṭhan khawh hna caah kan i lawm. Gyikha, kan in dirpi tiah kan rak ti bantuk tein tutan zongah nan caah a herh dingmi thilri kan in kuat khawh ṭhan hna caah kan i lawm. Kawlram chung, hmunkip kakip i ummi kan Chinmi dihlak Pathian nih rak kan kilveng hram ko seh.
Relchap-A tu hmanthlak chung ah hmuhmi Putarpa hi a nupi cu dam lo ruang ah siizung ah a um I oxygen lei ah harsatnak a um caah a nunnak a liam cang timi a thei lo. Volunteer pawl zong nih na nupi a nunnak a dih cang tiin an chim ngam fawn lo. Hi bantuk dirhmun an phanh ko hi cu a celhin celh awk hrim a tha lo. A nupi ngaihtuk ah rawl hmnah a ei kho lo tiin theih a si. Midang nih a nupi konglam an hal tik ah a damlo caah siizung ah a um I a dam tik ah cun a rak ttin te lai. Ka hngah peng ko. Ka ngai tuk cang tiin a chim lengmang.
Hi pa bantukin minung zeizat remruam ko nih dah kan intuar cang i kan intuar cuahmah rih ko lai. Chungkhar tling loin a ummi chungkhar khar zeizat remruam dah a tu kan boruak ruang ah kan um cang? Maw thihnak, maw pulrai minung nih hin cun kan in duh hna lo da kaw. Kan chungkhar, kan ram, kan vawleipi caah muihnak in ceunak a chuahnak hnga thlacam peng ko han u sih.
Spring Revolution aa thokka ah khan cun sit kaungsi a cohlangmi pawl an catial hi tha tein ngiatthlai an si. A ruang cu kan ral zong hi an fim tuk timi hngalh an si caah a si. Danglamnak a ummi pakhat cu thawngpang pakhat karhter an duh ah cun an mah nih chunglei thlithup bia kan donmi a si tiin an mah lila nih cu thawngpang cu an thlah hmasa tawn. Dawhlanyee tapa pawl nih cu thawng an thlahmi cu a hramthok ah cun an tlai thiam lo. Asinain fimthiamnak a ngeimi nih hruaimi dawhlanyee tama pawl nih hi thawngpang hi khoika in dah a chuah, a ho thluak dah a si timi cu an van theih ve hoi ai.
Tahchunhnak ah”ralkap len ah ralkap pawl an um ti lo. Vanlong diesel a dih.Ralkap nupi fanau chungkhar pawl tlaihkhih le erhkhumh an tong. Bawizik pakhat nih a biachim a dohdal caah lockup chiah a tong. Van ralkap le ke ralkap pawl an i kap cang lai maw” timi psychology warfare post lawngte an si. Caan caankhat chung te ah cun lung a van hmuiter ngai te.
Asinain Chit Naing (စိတ္ပညာ) I a thurhnawm tukmi a thluak pawl an si timi hi philh a sit awn. Chim ah cun hi bantuk can zeimaw chungte ca lawng ah nuamnak a chuah pitu thawngpang hi dothlennak caah teinak ding caah a herh tukmi an si lo. A thi a linmi dothlennak ngeih duhnak thinlung thazang a der tertu a si.
Khah, sile Pin Oo Lwin vanlong tlami kong ah van kal rih u sihlaw, cu vanlong chung ah a ho thla aa tel, ho dah aa tel lo timi hot taktak a simi kong van ruat rih u sih. Mipi nunnak a latu mihrokhrol pawl an thih paoh ah mipi cu chim thiam loin i nuamh a si. Nuamh a phu hrim nain psy war pawl zong zohthiam an herh. Hmuhning van langhter ah cun ICJ hi can raulo ah a van lang ve cang lai. A ho dah ICJ ah a kal lai? A ho hi dah kal lo ding a si lai? A ho hi dah kan namh lai? Kalter a simiminung hi a rak kirk ho ti lai maw? A ho hmnah an kal lo ah cun zeidah a cang lai? Cu bantuk thawngpang cu mipi nih theih duh a si bangin sit kaungsi pawl zong um nuam lo le therphang in a tuahtu biahalnak a si.
Rohingya buainak hi Soe Win nih a tolrel timi post a hlunmi hmuh khawh a si. Cu tik ah ICJ caah a biapibik misual cu Soe Win tiin an mah le mah thawngpang an zamh. Min Aung Hlaing hi sualnak a tuahtu tazakhan a silo tiah an langhter duhnak a si. ICJ nih a kalpimi ah cun minung pumpak ah siloin Kawl ram (RAM) pi kha taza a cuaimi a si. Cu caah ram nih tuanvo a ngeih. Ram aiawhin chimrel a hau lai. Taza an cuai ning in thil a cangmi a si lo ah cun thildik in an langhter lai.
Cu caah ICJ chuah a nai deuh tik ah Soe Win a thi timi thanwgpang a chuak. Mi tampi nih an share. Mithalo, misual pakhat a thih tik ah zei bantuk mipi hmanh nih ngaihchia cun an um lai lo. Asinain Soe Win (siloaah) lutlaibantlai pakhat pakhat a thi tiah zeiruang ah thawng an zamh.
Hi biahalnak kan leh ah cun, sit kaungsi cu ramdang ah aa tlum tilo. UN le ramdang pawl nih NUG cu cozah ah pom an timh cang lai. American hruaimi mahameih pawl nih sit kaungsi a cimihnak ding ah PDF caah hriamnam i thatha cu bomhnak an pek cang lai. Thawngzamh pakhat nih a tialnak ah cun raldohnak helicopter le lamhla in control khawh a simi mekpi pawl pek ding in ceihkhannak an ngei.
Vawleicung ah thazang a thawngbikmi hlathlaitu pahnih a simi cu zuamcawh in an um. Cucu American CIA le Russia KGB an si. Kan mah a kan bawmchantu sin in thawngpang theih lawng a za lo i, a kan huatu kan ral hna sin zoong in thawngpang theih hi a herh tukmi a si. Cu tik ah hihi cu a si khomi, sikho lomi a si tin ruahnak le tuaktan khawh a si lai. Cutik ah PDF cu hriamnam pek a si lai timi thanwgpang cu KGB nih a rim a hnimh khawh lai cu.
Cu tik ah sit kaungsi nih dawhcahlo tuk in an sungh ding cu a hlan kan in a I hmuh cia cang. A hlaankan zong in timhlamhnak an ngeih cia cang. An kuttang pawl cu an forh hna lai i an mah tu cu an zam cang lai. Cu ti an zaam tik ah tazawin in miram ah idornak nakin an sining hlohthlau dih in an zaam lai. Cu ruang ah Soe Win athi timi thawngpang a hmasacem ah an thlahmi a lo.
Zeiruang ahdah Soe Win hi a hmasacem ah a sining an hloh ti ah cun ICJ nih kawl khawh tilo ding in mi poimawhbik pakhat an hloh a si. Pakhat hnu pakhat in an sining hloh dih i mipi hmaika ah lang ti loin an I khonmi phaisa he ramdang ah an nun i phum ding an timh lai. Hi hnu idang zong ah lutlai bantlai pawl paohpaoh cu pakhat hnu pakhat in an thi bantuk, pakhat le pakhat an i kap ti bantukin Chit Naing (Psychology) nih mipi ruahnak cu a thlennawn dih te lai.
Hi bantuk thanwgpang chung ah pilnak hnga lo a herh tukmi a si. Si kaungsi lutlai pawl cumithmuh ah an tlaulo hi a biapi. NUG le PDF nih can an lak lio a si. Sit kaungsi ralkap thazang ting 3 hrawng cu ralchonh dingin minung thazang, hriamnam thazang, technology he dihdong dingin doh a si ko lai. A tlawmbik thenthum thenkhat an ci hmih khawh lawng ah sit kaungsi nih hriamnam an chiah lai.
A thazang a tlawm ngaimi bang aa um termi sit kaungsi thluak cu PDF nih fiang tuk lawmmam in a hngalh. A tuni can tiang ah May Myo ralkap sianginn ah a cawng liomi ralkap thazang pakhat hmnah a hmang rih hna lo. Ral zei rel loin a um lomi PDF cu ramdang bawmhchanhnak, hriamnam bawmhcanhnak a hmuuh cang. Hmuhmi hriamnam paoh ilak in ralhrang a dohtu dawhlanyee tama pawl he hmunkhat ah a tuanti lai.
Harsatnak a tongmi ralzam pawl, nunnak pekin dothlennak a tuahtu tlangcung hriamnam le hmunkip khua kip in dothlennak a tuahtu pawl, inn ah a ttin kho rih omi pohmah 505 pawl, rian chuahtakin CDM a tuanmi riantuan pawl, lungrethei thinphang in a ummi mipi upatnak kan pekhna, an tuarinnak kan theihpi hna kan ti a si ah cun tiktok celh, shopping kal, beer dawr tthut, lakphak dawr tthut, nuam sul in khual tlawn, beauty photo hmanthlak pawl he feel langhter len kha a hau lo. Spring Revolution cu mipi buainak, a si caah a biapi tukmi a si.
