Minung ting tam tuk nunnak la tu Coronavirus zawtnak hrik second 30 chung ah kaarimchia rehter nak caah (Oral fluid) kan hman sii nih a thah khawh tiah hlathlai tu sceintist pawl nih an chim. Fawi tein sii dawr ah cawk khawh mi (Oral fluid) nih Coronavirus zawtnak cu second 30 chung ah a thah khawh tiah “University of Cadiz” singhakchia hna nih cun an chim. Wales Pharmacy collage ah Coronavirus in a zaw mi hna sin ah testnak an tuahnak in an hmuh chuah mi a si.
Coronavirus zawtnak hrik a thah khawh lawng hmanh si lo in minung kan pum caah ngandamnak a chuahpi kho tu a si caah nikhat vawi khat tal cu mi kip nih kan hman hrimhrim awk a si tiah Dr. Nick Claydon nih a chim. Cetypyridinium Chloride (CPC) a tlawm bik 0 datamah 07 zakhanhnung aitel mi kharimchia rehter sii nih Covid-19 zawtnak second 30 chung ah a thah khawh tiah sceince lei mifim thiam pawl nih ah hlathlai nak in an hmuh chuah hi a si.
Haa fahnak a pe kho tu rungrul thahnak ding ah an ser mi ‘Oral fluid’ sii cu Coronavirus SARS-Cov-2 virus le a dangdang zawtnak pawl tiang a thah khawh tiah Researcher pawl nihcun an chim.
Tu bantuk an hmuh chuah mi sii cu a vawikhat nak tiang lawng testnak an tuah rih caah Independent professionals pawl nih hlathlai nak an ngei rih lo tiah theih a si. Hmanh sehlaw Covid-19 ca lawng si lo in zawtnak phunphun a damter kho tu sii a si caah mi kip nih kan hman khawh ahcun a ttha mi si.
