Khachuanrang cu mizei paoh nih theih dihmi a si. Khachuanrang cu ngandamnak caah a tha tukmi a s ii zei bantuk hmunhma paoh ah hmanmi a si. Zawytnak thlopnak ca zong ah san a tlai tukmi sii phunkhat tiin chim zong ah kan palh lem lai loh dah.
Khachuanrang cu thikai, lung zawtnak, Cholesterol, lungkua bit, thisen tlawm ti bantuk pawl caah hman santlai ngaimi a si. A tu ah kan van langhter dingmi cu Khachuanrang a ei kho lomi hna pawl konglam kan van lanvhter lai. Mi zei bantuk nih dah ei loding a si tiin kan van ti tik ah eilo thluangtluan loding a si lai. Ei lo bak cun um ding a si lai loh.
Sii caah hman khawh a si. Asinain a hring in ei cu na hrial lai. Khachuanrang cu hi ti a hring in einak in hin thikai a tum ter i thitum a ngeimi nih cun Khachuanrang a hring in tam kha hrial bak ding a si lai. Sii phunkhat kha can sau na din cang in a tak chung ah sii dat, riantuannak a thawn cang a si ah cun doctor te he chawnh biaknak na ngeih dih hnu lawng ah Khachuanrang cu na ei lai.
Thin lei ah dam lonak pakhat khat a ngeimi na si ah cun Khachuanrang a hring cu na ei hrim hrim lai loh. Pawpi fah a ngeimi zong nih Khachuanrang a hring in ei cu hrial i zuam ding a si lai. Cun nau pawi lio can zong ah Khachuanrang a hringmi ei bak lo ding a si lai.
A tu ca kan van thlahmi ah na caah thathnemnak a um a si ah cun na hawikom zong nih an theih ve khawh chin nak hnga share in kan bawm ve uh. Kan ca tialmi na kan relpiak caah kan i lawm.
Khah hawidawt Khachuanrang hi zei tluk indah a that i sii ca zoong ah hmankhawh a si timi le Khachuanrang a hring ei hi micheu an caah tih a nun timi cu na theih cang caah ralring te tuin ei khawh i zuam te law. Zei thil paoh hi kan caah a zatawk in kan ei ah cun kan caah sii thabik an s ii eizia le din zia kan thiam lo ah cun kan caah thihnak an si timi hi philh lo tein nifatin na eidinmi tirawl, tamhmoih ah fimkhur i zuam.
Source: Health Magazine
