Pi Lalduhawmi kum 55, Pu C.Lalchuangkima, Evangelist, Gautampuri Delhi Mission Field nupi cu tuni Nov 23.11.2020 zanlei suimilam 3:15pm ah Covid-19 zawtnak in a nunnak a liam. A thihnak hmun cu India Spinal Injuries Centre, Delhi ah a si.
Pi Lalduhawmi (Ateii) vapa, Pu Chuanga le afanu Estheri zawng Covid-19 positive an si tiah theih a si. Estheri cu nizan ah khan test nak an tuah tthan i a Negative cang tiah theih a si. An fapa Micaela cu Aizawl ah a um caah Covid-19 zawtnak lak in a luat tiah theih asi.
Pi Lalduhawmi ruak cu tu hi Aizawl lei ah tlunpi dan ding an tawlrel cuahmah lio pi a si. Nai hrawng mizo kan unau hna cu Covid-19 zawtnak nih biatak tein a den cuahmah hna caah lungrethei taktak in an um lio pi asi. Lungrethei taktak i an um lio ah Covid-19 zawtnak in Pi Lalduhawmi a nunnak a vun liam tthan mi cu lungrawk taktak a si.
Pi Lalduhawmi nih a tan tak mi a chungkhar le nan ngaihchiatnak Bawipa nih in hnem ko hna seh. mizo kan unau hna caah biatak tein thlacam bawm cio hna u sih, Nai hrawng Mizoram chung hrimhrim ah biatak in Covid-19 zawtnak nih a vun den thluahmah lio pi a si.
