Kan ram cu sehtan lakah a sual bikmi thlarau nih a tlaak mi hna,Kawi Aung te phu nih hriamnam bochannak in mipi duhnak tel hleng lo tein uknak cu an laak i,a tu ni hin cun ni 101 a tling vecang,kawl tampi an thi,Tlang cung mi tampi an thi,nuva an tthen hna,nuhmei an karhter,ngakttah an tamter,chungkhar ei kawltu nun an laak caah chungkhar ca pawcawmnak a har cang.
Mahbantuk in kan ingeihchuun mi,Chinram zong ah ralhrang pawl cu hraang cuahmah cang hna,an cawlcangh ning hi,sehtan lutlai nih cun,”Aa Kawi aung ,mah tatai cu kan nih zong nih kan duhlo dahkaw a ti ka zumh,cubantuk cun dawhcahlo le ttihnung khin an cawlcaang cuahmah hna.
Chinram ah mipi thinphang in an tuah hna,khuapi chung ah kan mipi tthittha in an i chawk ngam ti lo,mah le ram cia ah thirthir phaangphaang in tlawnlen a si i,erhpang hmanh khuapi chungah kal in i cawkngam hmanh khi a si ti lo,mipi thinlung an zawtter i,Covid-19 zawtnak in a faak deuh mi zawtnak in kan mipi an zawtter dih hna,mahbantuk in an zawtter mi hna cu a damnak caah sii a um fawn lo.Chinram chungah,Kan hnu thla ah khan,Tidim kan nau pa an kah i a thi cang,a tu,Pu Tlir Ling an thah fawn,Kalaymyo i kahnak ah tampi an thi cang fawn.
Kawlram pumpi cu chia rih ninglaw,Chinram chungah rallokap pawl nih tthihphannak an ngeihkhawhnak ding ahcun,cuhlannak faak in CDF le kan ralkap pawl cawlcangh a hau,mahti an cawlcanghnak dingah le mipi nih thazaang kan peek ve hna a herh fawn,a tuning bantuk luala cun ram a ttha kho lai lo a fiang mi a si ko,ruah a suur lai ahcun,khuadawm a chuah hmasa a herh,mahbantuk in ram a tthat khawhnak ding ahcun ram mipi nih kan tuar ngam hmasa a herh ve.
Sihmanhselaw,mipi nih an tuar ngam tilawng kha irinh lo in lungfiim tein cawlcangh le tthutdir a herh,Lairam ah mipi kha rallokap cawlcanghnak kongah ngiathlaitu nan sidih a herh i,an cawlcangh ning kha ramdang a um mi nan hawi le sinah nan chimh hna i,a si lo le CDF hruaitu lutlai kha nan chimh hna i,mahticun hmalaknak kha kalpi a herh taktak cang.
Kei ka lungput cu,tuah lo ding mi chim hi ka huat taktak mi a si.A liam cia thla ah khan patling pakhat nih cun,Chinram chungah Chin mi thisen a luan ahcun kan zohsawh hna lai lo ea ti an ti,kei nih cun a chim mi ka ngai lo i,lai mi dang tampi nih facebook kuang khat in an rak post i,a lang tlang in ka hna a rak ngam taktak i,a chimtu nih a chim taktak a si ahcun a mah nih aitheih ka zumh.
Cun,mahbantuk bia kha a chim taktak ahcun,mhahkha bia kha a mah ruahnak in a chim mi maw a si,a ttuanpi hna he hnatlaaknak in a chim mi bia dah a si tizong hi theih kan duh bak cang.Ka mihun hna,nan thinphannak cu,Bawipa nih a theihcang,kan hnu ah ka ttial cang bangin,a tu cu mahhna pawl an caan a si lo,kan ,ah caan a si cang,ti hia si.Kan ral kan dohnak ah hin kan biakmi Pathian sinah thlacamnak he doh ko hna usih.Kai lawm. Crd: Tinduh Thang
