US university hmanh ah a lar vemi ka si hi. Chin minta-kyi ka si hi. Laitlang in cang-ai khorh le lothlo dirhmun in US ram a phanmi, ABC rel hmanh a thiam lomi pawl nan sinah Christmas daihnak le remnak, lawmhnak, biachim holhrel thiamnak, nun nemnak, thinfualnak le toidornak, fimnak, biadawh hmanzia thiamnak, thinhar i sum khawhnak, ruahdomh biachim lo ding nunzia thiamnak, dawtnak, ruahchannak, dinnak, ninghngal lonak, mi upat zia thiamnak, Khrihfa ttha sinak, mi bawmh duhnak, zei ngai si ttung lo i sang ngai i ruah lonak, Khrihfa biaknak le cawnpiaknak i nun pinak, vialte cu nan cungah um ko seh tiah thla kan campiak hna.
Relchap>>>Ka Dolen Duh Hlah U, Nan Nak In Tamtuk Ka Theih Deuh I Ka Thiam Deuh Fawn
Laimi tampi nih ca ka ttialmi kongah, le ka zumhnak le ka pommi kongah hehtiah nan ka doh i nan ka soisel len. Hnahnawhnak a phun2 nan ka pek. Cheukhat hoi hna cu facebook friend zong kan silo nan hehtiah comment in nan ka ti len. Minung cu ruahnak, zumhnak le pommi le ttanhmi cu neih phung cio a si ko nan cheukhat cu a herh lo tiang in nan luantuk. Nan chimmi le nan ruahnak pawl le laktlak lo lawngte an si. Mah hna pawl hi kan zoh tik hna ah hmailei nan lamthluan ah a tthangcho lo ding, hawi bang lo ding, mi hlawhtling lo ding, Khrihfa ttha zong si lem lo ding, Pathian thluachuah hmu lem lo ding, hruhnak lam a zul deuh ding, le bochan awktlak lo ding pawl deuh nan si. Nan zate cun kan ti ve bak hna lo.
Nan cheuli ah cheuthum cu nan si. Nan nak in a zeilei poah tamdeuh ka thiam i tamdeuh tuk ka theih. Bible lei zongah siseh vawlei lei zongah siseh nan nak in tamtuk ka thiam i ka theih deuh. Bible zong kum 12 nawn ka kai cang i boih zong pathum ka la cang. Atak te cun nanmah tuk nih fawh ruahnak na ka hal deuh ding tuk a si lehlam cu. Voi tampi cu nanmah catang zong nei huaha lo, tangli tangnga zong awng lomi hna nih ruahnak hna na ka cheuh ve, zeitluk in dah nan sining a niam le nan theihmi a tlawm ti cu mah khan a fiang colh ko. Ka ttialmi le ka zumhmi le ka pom ning in kal ve u law, zum ve u law nan fim deuh lai i nan nun zong a dawh deuh lai, thluachuah zong nan hmu deuh lai, nan lam zong a tluang deuh lai tihi ka chim ngam.
Keicu ka nunnak ah Pathian nih a ka umpi ve bak i ka ruahnak le ka thiltuahmi cungah le thla ka cammi cung zongah Pathian nih a ka leh i a ka umpi, thlua a ka chuahmi pawl zong chim awk tampi ka nei ve ko. Pathian nih ka nunnak ah harnak le hnahnawhnak a phun2 a ka petu pawl zong voi tampi cu dan a tatnak hna kong zong chim ding ka nei ve ko. Fimdeuh le thluachuah hmuhdeuh le lamtluang deuh na duh ahcun keimah do loin ka chim ning le ka pomning le ka ttialning in zum law pom ve ko. Ka dolen duh hlah u. Ka theihzat le ka thiamzat nan thei lo i nan thiam lo cu. Ka theihmi le ka thiammi cung zongah Pathian nih thlua a chuah tihi ka fiang tuk ve. Mahhi porhlawtnak in ka chimmi a si lo, toidornak tuin ka chimmi a si deuh. Credit: Van Tum
