Thlariat chungah CDF nih mipi fahnak a peek hi dah ngai ka thei rih lo. Ralram asi ko nain mipi cungah dawtnak an ngeih ning, Warning peknak cathanh an chuah lengmang ko hnu zongah a zul duhlomi hna cungah miphun dawtnak lungput he mizei cung hmanh ah fahnak an pe lo.
Thantlang Hakha peng chungah CDM tuah aduhlomi chungkhar, milu in pazeizat riamruam dah kan um hnga. Nain lungsau tein thla 8 chung mipi caah rian an tuan peng. CDF tampi nunnak a liam cang.
Nizan thil voikhat a cangmi kongah CDF cu sa can in kan can hna, puanchia thleh in kan thleh bauh hna. Hnomtinphur ah kan ruah hna, zuding lo le thil thalo a tuah bal lomi bang bia kan chim hna. CDF nih an tuahmi hi ruang ngeilo bakin an tuahmi asi tiah aho tal nih evidance he a dirngam mi kan um maw?
Ralram ah kan um lio asi hih, ralram ah a um komi ahcun, Laimi nakin a him deuhmi kan um lai lo. CDF CNA hi an tha tuk lehpek. Nihin tiang miphun zuartu kan um peng ko rih ahcun, miphun pi sunghnak cha cun, chungkhar khat, mi pakhat, khua pakhat hloh cu a tha deuh suaumau hnga lo maw… Bia hleihluat tuk chim hlah usih, mi forhnak phunphai ca tial ti hlah usih.
Kha kha fim asi lo, miforh hmang, mi sualnak lawng a hmumi nu/pa ti na si sual lai. Ngaihchiatnak a tongmi chungkhar cu kan tuarpi tuk cio hna, apoituk kan ti cio hih. Hibantuk hi um ti hram hlah seh ti kan duh dih, intuar khawhnak Bawipa nih pe hram hna sehlaw, tukvelh a ingmi hna zong damnak tlamtling Bawipa nih inpe zau hram hna seh.
Mipi le hriamtlai karlak pehtlaihnak kongah adang ka siaherhmi a um than. Nawlngailomi kan um sual asi ahcun, kan nawlngaihlo man cu zuun ding kan si ko hnga. Kan ralkap nih dantatnak pakhat khat nan kan pek tikah within 24hrs chungah official statement chuahmi um kho sehlaw cu nih cun, ipehtlaihnak/riantuan ttinak ah thiltha tampi a chuahpi lai tiah ka ruat. Crd: Ceuuk Ceuuk
