Tuni 24.11.2020 zanlei suimilam 4:30pm ah khan TBC Two Sister Sumo MZ 06-6940 Pu B.Lalzarmawia Thenzawl Model sang Motor Driver Mafela mawngh mi cu Torist lodge kam, Pu R Laltanpuia inn kam lamthlang ah a tla i tlangval pahnih cu Thenzawl CHC an pannhpi cawlh ko nain an phanh hlan ah tlangval B.Roszangzuala kum 19 le Lalthanchuanga kum 18 Thenzawl khua mi cu an nunnak a liam.
Tuzan lei Sumo accidentnak chuak mi ah minung pasarih nghakchia pahnih le upa minung panga an ni cit i Pu K Lalrinthanga Thenzawl sanghlun a ramvaihnak ah khampang ah a tla mi chuah ding in a kal mi an si caah rianrang tuk i an mawtaw an mawngh nak ah tu bantuk in accident an tawn hi a si. An dihlak tein hliamhma an pu dih ko nain midang cu thinphang tuk an si lo tiah theih an si.
Ramvaihnak i khampang tla mi Pu K Lalrinthanga Thenzawl cu Sumo accident an puaipi cuahmah lio ah inn lei ah cheukhat nih inn lei ah an zawnh tiah theih a si fawn. TBC Maxi cab accident mi cu thaizing ah chuah an timh caah Nov 25.11.2020 Nithumni cu Thenzawl Maxicab Service vialte an ni din dih lai tiah mipi sin ah thawng theihter an si.
Nai hrawng Thenzawl cu Covid-19 zawtnak nih lungrethei in a tuah cuahmah hna lio ah hi bantuk accident thawngpang vun theih cu ngaihchia taktak khi a si. Thenzawl lawng hmanh si lo in nai hrawng Mizoram cu Covid-19 zawtnak biatak tein a karh cuahmah caah lungrethei taktak in an um lio pi a si. Kan umnak hmun cio in thlacam bawm cio hna u sih.
