August 20-21 ah a cangmi Thantlang-Hakha karlak CDF-Thantlang le SAC ralhrang kahdohnak ah SAC ralhrang 5 hrawng an thi, tiah CDF nih thawngpang an chuah.
August 20 zaanlei hrawng in Thantlang he aa naihnak deuhnak hmun lei ah kahdohnak a chuak i August 21 zinglei zong ah pehzul in kahdohnak a um.
Atu ah cun SAC ralhrang tampi Thantlang khuachung ah an lut hna i, khuami nih lengchuah le umkal i ralrin ding in CDF nih ralrin peknak zong an tuah.
Relchap- Hriamnam He A Zaammi Palek Pa Chung Le Ralhrangbu Nih An Tlaih Hna.
Nizaan August 20 ah Sagaing ramthen Yinmapin, Myoma palek sakhan in hriamnam le phaisa he a zaam mi palek senthum pa chungle cu ralhrangbu nih an tlaih hna.
Ralhrangbu nih tlaih dingin hmun cheukhat cu biatak tein an hlathlai i, Zaw Min Win nu le pa pin ah a nupi le a fanu zong ralhrangbu nih an tlaih hna tiah theih a si.
Ye-tat-kyat-kyi Zaw Min Win nih Myoma palek sakhan in BA-63 pakhat, kuan 120, phaisa sing 940, ralhrangbu nih an tlaih mi coin 100 leng le case file hna he CDM a luh pi tiah theih a si.
Hriamnam, sui, tangka le document pawl a tlik pi ti a si.Amah nih a tlik pi mi a si le silo cu fiang tein theih a si lo.Amah hi an tlaih khawh lo ruangah a nu le pa, a nupi le fanu hna cu nizaan zaanlei ah ralhrangbu nih an tlaih hna.
Thil a zampi mi cheukhat cu July 10 ah Mungyua-Gangaw-Kalay lam mawtaw an cheknak in an tlaihpiak mi thil hna a si tiah theih a si.Crd: TCP
