July 5, 2021: Nihin zanlei sml 3:00 hrawng ahkhan Thantlang khua chungah Palek bawi pakhat cu lungtialsang chung motorcycle aa chawh lio cuahmah ah meithal in an kah i hmunril ah a nunnak a liam colh tiah theih a si. Nihin (July 5) ah Thantlang ah meithal in kah a tongmi palik pa cu CDF-Thantlang nih zan suimilam 9 ah CDF social media hmangin kan kahmi a si, tiah thawngthanhnak an tuah.
Chin Defense Force (CDF-Thantlang) nih, “Thantlang SAC ralhrang sin ah thawngpang a pe pengtu, CDM a tuahmi pawl a tlerhkhawng zungzaltu le tirawl a phormi Thantlang khuami pawl hnahnawhnak a pe zungzaltu Hein Wai Zin Latt cu July 5 ah kan kah,” tiah CDF nih a langhter.
Hein Wai Zin Latt cu nihin zaalei sml. 3:00 hrawng ah Lungttial sang ah motorcycle aa cit lio ah meithal in voi 3 kah a tong i a hmun ah a thi. Crd. CDFpage, The Chin Journal
