Thantlang le Kalay kar motor zul tu pakhat sin in Covid zawtnak hmuh a si

Hi tluk lungrethei i kan um lio ah mah bantuk thawngpang vun theih cu lungthin aa nuam kho hrimhrim lo. Tlangmi hawikawm dawt vialte ralring te in um khawh i zuam cio ko hna sih. Nang mah pakhat ruangah kan miphun hawi hna nih harnak fakpi an tawn kho ti kha philh hrimhrim hlah.

Tuzan ah Kalay Myo ah Thantlang le Kalay kar lak ar a phur mi motor zul tu chung in COVID mizaw pakhat an hmuh caah. Thantlang i a um mi Mizaw i a chungkhar hna le khua chung i ar a thiar mi tungbing mawng mi hna cu Tuzan ah COVID -19 Committee le Thantlang Zatlang Zohkhenh Nak Bu i bawm in Quarantine centre ah kan chiah colh hna.

Mizaw Kan Nau pa zong Bawipa nih dam tuan nak pe seh law hi quarantine a lut mi hna zong zawt Nak an neih lo nak hnga le kan Thantlang pum pi in kan him khawh nak hnga thlacam cio hna u sih. Mizaw pa hi Kalay le Thantlang kar ar phur in ai chok mi a si i Oct 28 ah Thantlang ah a phan i Nov 1 ah Kalay ah a tum than Nov 2 zan Kalay ah a riak i Nov 3 hi Laitlang Kai ai tim i 9 mile ah an check Nak ah zawtnak an hmuh mi hi a si.

Mah caahcun Laitlang ummi hna caahcun thinphang ngai a si. Nai hrawng cu kan theih dih cio bang in Mizoram le Tahan/ Kalay myo hrawng ah COVID zawtnak a vun karh ngai ngai. Dai thlang i um sual ahcun Lai tlang khua te lei tiang i chonh khawh a si.

Hi tluk lungrethei i kan um lio ah mah bantuk thawngpang vun theih cu lungthin aa nuam kho hrimhrim lo. Tlangmi hawikawm dawt vialte ralring te in um khawh i zuam cio ko hna sih. Nang mah pakhat ruangah kan miphun hawi hna nih harnak fakpi an tawn kho ti kha philh hrimhrim hlah.Credit: Robert Tha Uksang

 

Total Page Visits: 383 - Today Page Visits: 1

Leave a Reply

Your email address will not be published. Required fields are marked *