“Thantlang Covid-19 Response committee nih tuah ding ah Saduhthah rak ngeih mi, Mini Emergency Hospital cu, nihin 7. 7.2021 ni in, Kan mizaw minung (5) Oxygen pek hau mi kan chiah cang hna. Mah hlan cu Zarh hnih chung kan mizaw hna an inn cio ah Oxygen kan rak pek hna. Riantuantu caah le Oxygen kong kan buai deuh caah hi MEH hi kan tuahnak a si” tiah Pu Ram Khar nih facebook cahmai ah a tarmi in thawng theih a si.
Cun, “Hi, MEH ah hin Kan Mizaw hna, Kan Sibawi le Sayamah te nih Lamnaih te in an zohkhenh khawh nak ding caah, CCTV lung 8 bunh a si. Sibawi /Sayamah te le Mizaw fawite bia i rauh le chimh khawh nak ding caah Sound System zong bunh piak an si. Mizaw hna hman ding Oxygen zong ready tein chiahpiak an si” tiah a ti.
“Hi Mini Emergency Hospital A tlamtkin khawhnak ding ah bawmtu dihlak cungah TC-19 ERC min in lunglomhnak chimcawk lo kan ngei. Kan Mizaw dihlak caah thlacam bomh kan herh” tiah Pu Ram Khar nih a chim. Crd. Ram Khar (FB)
