Hakha in Thantlang karlak zinglei suimilam 7 le cheu hlan le zan lei 5 le cheu hnu ahohmanh nih ke in siseh, Motor in siseh, Motorcycle in siseh tlunkal hrimhrim lo ding. Hi thawngthanh mi a zul lo mi hna nun himnak tuanvo kan la lai lo. CDF Thantlang
Relchap- Victoria Camp Lak Ding In Laitlang Ah A Kai Mi Ralhrang Pawl Cu Hnu Kir Kho Lo Hmai Nor Kho Lo In An I Ttaap. Falam in Hakha lei aa thawh mi ralkap motor 60 fai le tank 2 cu CNA le CNDF/CDF nih Taal khua pawng in an kham hna i Hakha lei lanh kho lo ding in an tuah hna caah nihin tiang an i tap peng tiah kan theih.
Cu aa tap mi he an kahnak atu le atu a chuah lengmang caah ralhrang motor (7) a rawk cang tiah theih a si. Tuzing zong ah Taal in Falam lei ah ralkap aa hliammi minung (15) a phortu motor le kee in a kirpi mi ralkap 40 cu Lungpi khua lonh ah lamtan in an kah than hna caah Falam lei kir kho lo in an um.
Hi tuzing kahnak kong ah ralhrang lei siseh, Chin ralkap lei thih lonak le khawndennak kan thei kho lo. Falam le Hakha karlak ah aa tap mi ralkap le CNA le CNDF/CDF kar kahnak a chuak lengmang nain a thi mi fiangte in kan hngalh kho lo, a thi mi cu an tam cang lai tiah tuanvo ngei tu lei in thawng kan theih.
Nizan ah Hakha lei in aa tap mi ralkap pawl va chanh dinh ah a kal mi zong Hakha khua chuah ah CNA le CDF nih an kah hna i Hakha lei an kir than tiah thawng kan theih.
Hakha lei Falam ah aa tap mi ralkap hi minung 400 renglo an si lai tiah ruah a si. CNA le CNDF/CDF pawl nih a kar ah ceh in kahnak le dohnak an tuah pah lengmang hna tiah kan theih.
ဟားခါး-ထန်တလန် အကြား မနက်ပိုင်း ၇နာရီခွဲမတိုင်မီမှ ညနေပိုင်း ၅နာရီခွဲ နောက်ပိုင်း မည်သူမှ ခြေလျင်ဖြင့်ဖြစ်စေ၊ ကား၊ ဆိုင်ကယ်ဖြင့်ဖြစ်စေ သွားလားခြင်းများ မပြုရ။ ဤသတိပေးချက် မလိုက်နာသူ မည်သူမဆိုအတွက် အသက်လုံခြုံရေး တာ၀န်ယူမည်မဟုတ်ပါ။
