Tuzan mui lai teah khan Rihkhawdar MRTV zung riantttuan cuahmah mi Pu Kap Hlei Pianga cu Mindat pa nih zohchia taktak in a nghawng a tan piak i a nunnak a liam. A thattu pa cu Tluangtea lung rialnak ah rianttuan mi a si tiah theih a si.
Pu Kap Hlei Pianga that tu Mindat pa hi Pathian thawngtha bia aupi lengmang tawn mi asi tiah theih a si. Hruai tu te nih bia an hal i zei ruangah dah na thah tiah an ti i, Pathian nih a ka fial tiah a leh hna. Thah a tawngmi pu Kap Hlei Pianga hi Suangdo khua chuak a si.
A rianttuan mi MRTV cu Rihkhawdar a si caah Rihkhawdar ah khuasa in a um mi a si. Misual nak a tuah bal lo mi le nun nawl ttha taktak mi a si tiah an chim. A nu pi fale zawng Covid zawtnak ruangah Lockdown tuah dih a si caah an kal kho lo.
Mah pa nihcun Pianga an tihmi Rikhawdar Tv zung rianttuan mi cu tuzan mui lai teah khan a nghawng a tan piak tiah theih a si. Lainawng tu pa cu Palik kut cung a phan cang tiah theih a si fawn. Rihkhawdar khua mi an thinhang tuk caah lainawng tupa a mui kan hmuhter uh tiah mipi an buai lulhmalh lio pi a si.
Pathian thawngtha bia aupi lengmang tu pa nih hin zei ruangah dah Pianga hi mah tluk zohchia hin a thah ngha tihmi theih fian duh ah bia halnak an tuah i a chim mi cu keimah lawng bak in ka thah, Bible kai ken i ka thah ko tiah a chim.
Pathian nih a ka fial ruangah ka thah mi si ko tiah fiang hlang te bak in interview tuahtu hna sin ah a chim. An pahnih karlak ah remlo buainak pakhatkhat hna a um ruangah maw mah ti a thah ngha timi hlathlai nak Palik nih an tuah cuahmah lio pi asi.
