May 21, Union Election Commission (UEC) meeting, Nay Pyi Taw ah CNLD party min in meeting a kailonak le party in chuahnak ca a rak tialnak Pu No Than Kap nih a facebook cahmai ah a fianter.
“CNLD in chuahnak ca hi 2021 March 31 ah khan ka tial cang. Atulio buainak ruang ah party EC nih ka ca an hmuh rih lo ca ah a si i keimah zong nih hi buainak lio i post kha ka duh rih lo ca ah a si,” tiah a facebook cahmai ah a tial.
Cun, “UEC meeting zong CNLD min in ka kai lo. Ka rian he pehtlai in Nay Pyi Taw ka tlawn lio he aa ton ca ah riantuan hawikom pawl an kut ka va tlaih hna i ka va chawnhbiak mi hna a si,” tiah a tial.
UEC meeting hi CNLD nih kai lo ding in an rak khiah i CNLD Counselor Pu No Than Kap zong meeting kai lo ding in party Chairman Pu Ngai Sak nih a chimh nain amah nawl in meeting a kai, ti mi kong ah atu bantuk in Pu No Than Kap nih amah facebook cahmai ah fianternak a tial. Crd: THT
