Tulio ah mipi nih an thawngpang theih kan duh tuk mi CDF-Kanpetlet nih SAC Ralkap le Palik Pawl Ralrin Peknak Ca Chuah. May 8 ah CDF-Kanpetlet nih SAC ralkap le palik pawl ralrin peknak ca an chuah i SAC nih an zulh lo ahcun kan kah hna lai, tiah ralrin peknak an ttial.
(1) Mipi thinphang le thalau in umter ding in khuachung ah ralhriam he i chawhvah lo ding.
(2) Zaan ah lamkham le minung zalennak hnahnawh in checknak tuah lo ding.
(3) CDM ah aa telmi zung rianttuan pawl hnahnawh, tlerhkhawn le tlaihkhihnak tuah lo ding, tiah CDF-Kanpetlet nih an langhter.
Kuatkhat ah TNLA/AA/MNDAA le Min Aung Hlaing nau le pawl fak taktak in an nikap tthan tiah theih a si. Tuni May 8.2021 zanlei suimilam 2:00pm in 6:00pm tiang an ni kap i, tu tiang ahcun a thi mi le hliamhma pu an um maw um lo ti theih a si rih lo.
Kawl rallokap tatama 33/ khah-mahzah 12 nih Huakhoh khua in TNLA, AA, MNDAA an umnak Namhu le Nawngchu khua karlak an kal lio an rak kah hna tiah thawng theih a si. Tu tiang ahcun TNLA, AA, MNDAA lei in a thi mi an um lo tiah ralbawi Moe Eih Kyaw nih a chim.
Mah hna phu thum hna le kawl rallokap pawl cu May 4 thawk in tuzan tiang nikhat te hmanh din lo bak in an ni kap i kawl rallokap lei in a thi mi an tam taktak cang. Rallokap lei in a thi mi le hliam hma an um le um lo kan rak update tthan te la.
Relchap-Tuni CDF-Hakhan Nih Thawngpang An Vun Kan Thanh Mi Cu Chin Mi Caah Thawngttha Taktak A Si
Nihin kan Laitlang khualipi Hakha CDF nih Surkhua an palik sakhan an lak nak kong an cu the chin journal nih a tanglei bantuk hin a vun langhter.
CDF-Hakha nih Surkhua Palik Sakhaan an Khanghmi Hmanthlak pawl an Chuah. Hakha peng, Surkhua palek sakhaan cu nihin May 8 zinglei sml. 11:30 hrawng ah CDF-Hakha nih kah ding in an kal hnawh nain sakhan i a ummi ralkap le palek an rak zaam dih manh i, palik sakhan tu mei an khanghpiak hna.
Hi palik sakhan ah hin ralkap 5 le palik 12 an rak um, tiah khuami nih an chim. Surkhua palik sakhaan an khanghmi hmanthlak pawl cu nihin zaanlei CDF nih zapi hmuh ding in an tar. Surkhua SAC palik sakhaan ah ralhriam cheukhat zong kan lak, tiah CDF nih thawng an chuah. Crd: The Chin Journal
