December 18.12.2020 suimilam 9:30pm hrawng ah Guarddian Fist Aids & Emergency Medical Squad duty khuapi chung an vah cuahmah lioah Bawngkawn le Sairang kal nak Chaltlang Lili sang Pulau dawr kam an tlik lio ah khin nu pakhat lamthlang kam khampang ah a tla tiah an chim mi cu a zanzan in an kawl cawlh i nung dam te in an lak chuah khawh tthan.
Khampang/ Lungpang i atla mi nu cu FAEMS hna nih biarak te an buaipi hnu ah nungdam bu tein an lak khawh than. A tlak nak in metre 200 tluk hrawng ah khin an va hmuh. A Ke apahnih in a kiak leng ah a lu ai hliam fawn caah a rannak in Aizawl Civil Hospital ah an kalpi colh ko nain ICU ah ihkhun lawng a um lo caah Ebenezer Hospital ah an kalpi tthan.
Ebenezer Hospital nih a rianran nak in CT Scan an tuah piak hnuah ICU room ah an chiah tiah theih a si. Hi nu atlak ning hmu tu hna nih an chim ning ahcun, Truck Motor cung kai a timh nak a tla sual mi a si tiah an chim.
Adventure lei Lungpang/ Khampang ttum-kai thiam mi pawl nih azan zan in an kawl colh ruangah tu bantuk in nungdam bu tein an va lak chuah khawh tthan nak a si. Metre 200 tluk sang ah a tla ko nain a nunnak a liam lo mi khi khat te lei ahcun khuaruahhar taktak a si.
