Hmangaihpari (Facebook profile name: Chhekuh-i) Konglam dik tak phuanchuahnak:) Mizoram le Assam-kar ramri i buainak kan neih lio ah Hmangaihparti (Chhekuh-i) nih Mizoram mipi thinlung fah ter zawngin Social Media kal hmangin video in biachimnak a rak tar nak kongah mah hihi thil dik tak cu a si.
Hmangaihpari (Chhekuh-i) thlahtu hna a Pu, Semkhara (L) hi Mizoram Thekpui khuachhuak a si i Thekpui in Chin Hills Dartetui khuah a pem i, cu ka in cun Haimual ah a pem than i hi ka hin a lu a phum beh. Hmangaihi pa Pu. Vanlalruata hi Haimual in kum 1980 ah khan Sekan khuaah an pem. Cuka in cun kum 1983 ah amah hringtu a pa chuahnak ram Mizoram ah an pem thani, Champhai pawng Tuipui ah a thih ni tiang an um.
Hmangaihi hi kum 1996 ah Mizoram Champhai pawng tuipuiah a chuak. Cuticun a ngakchiat lio kum 2 hrawng asi ah hringtu a pa Pu Vanlalruata nih hin a thih tak i, cuticun a pa thih hnu hin a hringtu a nu nih a cawm khawh ti lo caah Cekan khua nu pakhat nih zaangfah in a cawm i, ticun a nih zong nih cun a zohkhenh peng khawh ve lo ruangah Bethany Baby home Tahan ah a chiah ve than i, cu hnu a puitlin deuh hnuah a chuahkehnak mizoram ah a kal than i, Lengpui pawng Dialdawk khua ah pasal fanau neiin a um. Cu hnuah a sapal he an i then i Barma ram Sekan khua ah a kal than i, Pasal a nei than, cu a pasal he zong cun an i then than i tu a umnak China ram ah hin a kal.
India Constitution nih a tarlangh bantukin Hmangaihpari Pu, Semkhara hi Mizoram Thekpui khuachuak a si ruangah Hmangaihpari nih hin a thlahtu hna hmangin Citizenship by Naturalization a neih khawh. Cun, Hmangaihpari hi mizoram tuipui khua chuak a si ruangah Citizenship by birth a neih khawh fawn. Hi bantuk pawl ruangah hin Hmangaihpari hi Sekan khua le ti a si bak lo.
Kan nih Sekan khua hi Mizo Nationalism ah hin tuan mi kan si i, MNF nih zalennak an buaipi lio zongah khan volunteers pawl Ti le rawl ti khawhtawkin kan rak pek tawn hna, curuangah cun kan khua pa Pu Saichhunga zong Burma Cozah nih tlaih in Current in an rak shok ter i an rak thah. Cuti bantuk cun Sekan khua mipi hna nih hin Mizo mi le ram caah an rak tuan ve tawn.
A donghnak bikah cun kan nih Sekan khua nih cun Hmangaihpari biachim mi hi kan mawhchiat tuk i, tu hnuah hi bantuk bia hi chim tilo dingin kan ti. Cun Bangladesh Infiltrator nih CUNG PATHIAN nih a Zofate ram an kan pek mi an rak kan cuh mi hi a pawi tuk kan ti i, kan mawhthluk taktak hna. Zofate le Mipi, Mizoram dam peng seh, Zofa hna caah…
