Kan laimi chung ah hin Pathian dawtnak thawngin hlasak thiam minung tampi kan i ngeih ve cang hna i mah chung ahcun Pathian hla si seh, Love song ah si seh a thiam bak ka ti tawn mi cu Van Hlei Sung hi a si. Van Hlei Sung hi cu kan Lai hla lawng si lo in miphun dang hla tampi tiang in a so kho mi le a thiam taktak mi a si.
Kan Chin Arfi Van Hlei Sung hlasak a rak thiam bak ti a langhnak cu Mizo kan unau hna khi cu bia le hla lei ahcun Laimi ankan tei ning cu chim hau lo bak an si. Bia le hla lei ah ankan tei tuk ko nain kan Lai nu hlasak thiam Van Hlei Sung nih Mizo Lengzem hlasak zuam ah ah hlattha bik le thiam bik Award bak akan lak piak khawh.
Mizo kan unau hna nih tutan Lengzem hlasak zuamnak ah laksawng an pek mi hna khi Thazual Award tiah an pek mi tawn mi hna a si. Kan Lai nu bak nih khi tluk Mizo hlasak thiam tam lak ah Award bak a vun kan lak piak khawh mi cu lunglomh pi lo awk hrim khi a ttha lo.
Mizoram ah Kan mah Laimi kan fanu nih Hlasak thabik thiambik Award a kan hmuh piak mi hi kan lawmhpi hringhran. Mizoram cu hla lei ah cun a sang taktak mi an si. Culakah kan Laimi a kan cawi sang tu Arfi a pakhatnak kan van ngeih hi Bawipa Thluachuah a si. Amah cung zong ah kan I lawm tuk. Bawipa nih cawisang chin ko seh.
Van Hlei Sung nih Mizo Lengzem hlasak zuamnak ah Award tiang a kan lak piaknak hla cu “I TANG KA BELH LAI KHAN KA HLIM ZAWK SI” tihmi hla ah hin a si. Youtube ah an rak uplaod hi Nov 22.20-19 kum ah a si i, View 1,459,707 a hmuh caah Award tiang akan lak piak khawh hi a si.
