Myanmar Season 4 Idol hlasak zuamnak ah runner-up akan lak piak tu Benjamin Sum cu Idol an dih hnu zawng ah nikhat hnu nikhat in a lar chin lengmang. Kan nau nu Esther Dcs winner akan lak piak tu nak hmanh in mipi nih an uar deuh mi cu Benjamin Sum khi a si.
Myanmar Idol hlasak zuamnak cu season 4 tiang an phan cang i kan nau pa Benjamin Sum bantuk i mipi lungthin a la kho tu hi cu tuchunni tiang an um bak rih rua lo. Covid-19 zawtnak um hlah sehlaw cu zeitluk khin dek a hei lar ngha timi cu chim len hau lo in hmuh khawh a si.
Benjamin hi cu hlasak lawng hmanh si lo in hla phuan hrimhrim a rak thiam taktak. Mah lawng hmanh si lo in kawl holh, mirang holh, mizo holh, Falam holh phun a thiam mi hmanh khi ruahnak leng pi in a rak thiam mi pa a si. Kan nau pa Benjamin Sum cu Chin mi lawng si lo in Mizo kan unau hrim nih an rak uar taktak ve.
Tutan zongah mizo kan unau hna nih an dirhmi Rimawi Huang( Mizo Zaimi inzawmkhawm) tihmi hna nih interview tuahnak an ngei i like pe tu le comment pe tu zawng an tam kho taktak. A tang ah hin Rimawi Huang timi nih interview an tuahnak video ka thil chih rak ngai ve hmanh uar a um kho taktak.
